(vovworld) – ທ່ານປະທານທະນາຄານຂາອອກ - ຂາເຂົ້າອາເມລິກາ (U.S Ex-Im Bank) Fred Hochberg ໄດ້ຕີລາຄາສູງບັນດາຜົນງານດ້ານເສດຖະກິດຂອງຫວຽດນາມ ໃນໄລຍະມໍ່ໆມານີ້, ພິເສດແມ່ນຮັກສາ ເສດຖະກິດມະຫາພາກເປັນປົກກະຕິ, ຮັກສາລະດັບເຕີບໂຕ ແລະ ເຊື່ອມໂຍງຢ່າງຂະຫຍັນຂັນເຂື່ອນ ເຂົ້າໃນເສດຖະກິດພາກພື້ນ ແລະ ທົ່ວໂລກ. ກ່າວຄຳເຫັນທີ່ການພົບປະກັບ ທ່ານເອກອັກຄະລັດຖະທູດຫວຽດນາມ ບຸຍກວາງວິງ ຫວ່າງແລ້ວນີ້, ຢູ່ສຳນັກງານທະນາຄານດັ່ງກ່າວ ທີ່ນະຄອນຫຼວງ ວໍຊິງຕັນ, ທ່ານປະທານ Fred Hochberg ຢືນຢັນວ່າ U.S Ex-Im Bank ສືບຕໍ່ໃຫ້ຄຳໝັ້ນສັນຍາ ປະກອບສ່ວນ​ເຂົ້າ​ໃນ​ການ​ພັດທະນາ​ຂອງ​ຫວຽດນາມ ​ແລະ ການ​ພົວພັນ​ດ້ານ​ການ​ຄ້າ ​ແລະ ການ​ລົງທຶນ​ລະຫວ່າງ 2 ປະ​ເທດ, ກໍ່​ຄື​ສືບ​ຕໍ່​ສົ່ງ​ເສີມ, ໜູນ​ຊ່ວຍ​ບັນດາ​ບໍລິສັດ​ຂອງ​ອາ​ເມລິ​ກາ ດຳ​ເນີນ​ທຸລະ​ກິດ ​ແລະ ລົງທຶນ​ຢູ່​ຫວຽດນາມ. ທ່ານ​ເອກ​ອັກຄະ​ລັດຖະທູດ ບຸຍກວາງ​ວິ​ງ ຕີ​ລາຄາ​ສູງ​ການ​ຮ່ວມ​ມື​ຂອງ Ex-Im Bank ​ໃນ​ການ​ສະໜອງ​ບ້ວງ​ສິນ​ເຊື່ອ​ໃຫ້​ບັນດາ​ໂຄງ​ການທີ່​ມີ​ການ​ເຂົ້າ​ຮ່ວມ​ຂອງ​ບັນດາ​ວິ​ສາ​ຫະກິດ​ອາ​ເມ​ລິ​ກາ ກ່ຽວ​ກັບ​ການ​ພັດທະນາ​ໂຄງ​ລ່າງ​ຢູ່​ຫວຽດນາມ. ສະ​ເໜີ ​Ex-Im Bank ເພີ່ມ​ທະວີ​ການ​ຮ່ວມ​ມື​ກັບ​ຫວຽດນາມ ​ໃນ​ຂົງ​ເຂດ​ຄົມ​ມະ​ນາ​ຄົມ, ພະລັງງານ​ຜະລິດ​ຄືນ​ໃໝ່, ບຳບັດ​ນ້ຳ​ເສຍ… ຜ່ານ​ນັ້ນ ປະກອບສ່ວນ​ເຂົ້າ​ໃນການ​ພັດທະນາ​​ເສດຖະກິດ​ສັງຄົມ​ທີ່​ໝັ້ນຄົງ​ຂອງ​ຫວຽດນາມ ​ແລະ ການ​ພົວພັນ​ຄູ່​ຮ່ວມມື​ຮອບດ້ານ​ລະຫວ່າງ​ຫວຽດນາມ - ອາ​ເມ​ລິ​ກາ.