(vovworld) - ວັນທີ 24/9, ທ່ານປະທານປະເທດຫວຽດນາມ Truong Tan Sang ໄດ້ໃຫ້ການຕ້ອນຮັບຫົວໜ້າຫ້ອງການການຄ້າ ແລະ ອຸດສາຫະກຳ ຍີ່ປຸ່ນ, ທ່ານ Tadashi Okamura ພ້ອມກັບຄະນະຜູ້ແທນວິສາຫະກິດຍີ່ປຸ່ນ ມາຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານປະທານປະເທດ Truong Tan Sang ໄດ້ຢືນຢັນວ່າ ສະພາບການດ້ານການເມືອງ, ເສດຖະກິດໂລກໃນໄລຍະຜ່ານມາມີການຜັນແປ່ຫຼາຍຢ່າງ, ແຕ່ການພົວພັນຄູ່ຮ່ວມມືຍຸດທະສາດຫວຽດນາມ - ຍີ່ປຸ່ນ ຍັງໄດ້ຮັບການພັດທະນາຢ່າງດີງາມ. ທ່ານປະທານປະເທດຫວັງວ່າ ຫ້ອງການການຄ້າ ແລະ ອຸດສາຫະກຳ ຍີ່ປຸ່ນ ຈະສົ່ງເສີມບັນດາວິສາຫະກິດ ຍີ່ປຸ່ນລົງທຶນເຂົ້າຫວຽດນາມ ໃນບັນດາຂົງເຂດຄື; ເຕັກໂນໂລຢີສູງ, ພື້ນຖານໂຄງລ່າງ, ພັດທະນາແຫຼ່ງຊັບພະຍາກອນມະນຸດ, ສິ່ງແວດລ້ອມຫຼາຍກວ່າອີກ. ທ່ານ Tadashi Okamura ຊີ້ແຈ້ງວ່າ ປະຈຸບັນຈຳນວນວິສາຫະກິດຂະໜາດກາງ ແລະ ນ້ອຍ ຂອງຍີ່ປຸ່ນ ລົງທຶນເຂົ້າຫວຽດນາມ ນັບມື້ນັບຫຼາຍ ອັນໄດ້ພິສູດໃຫ້ເຫັນຄວາມສົນໃຈຂອງບັນດາວິສາຫະກິດຍີ່ປຸ່ນ ຕໍ່ກັບ ຫວຽດນາມ - ປະເທດທີ່ມີບົດບາດສຳຄັນໃນພາກພື້ນອາຊີປາຊີຝີກ. ທ່ານ Tadashi Okamura ກໍຢືນຢັນວ່າ ຈະສືບຕໍ່ມານະພະຍາຍາມຊຸກຍູ້ການຮ່ວມມືລົງທຶນເສດຖະກິດການຄ້າລະຫວ່າງຫວຽດນາມ ແລະ ຍີ່ປຸ່ນ ກວ່າອີກ.