(ພາບ:tuyengiao.vn)
(vovworld)- ຕອນເຊົ້າວັນທີ 17/9, ທ່ານປະທານປະເທດ Truong Tan Sang ໄດ້ເຂົ້າຮ່ວມພິທີໄຂສົກຮຽນໃໝ່ 2012-2013 ຂອງວິທະຍາຄານປ້ອງກັນຊາດ. ກ່າວຄຳເຫັນທີ່ພິທີ, ທ່ານປະທານປະເທດ Truong Tan Sang ເນັ້ນໜັກວ່າ ການປ້ອງກັນຊາດປ້ອງກັນຄວາມສະຫງົບແມ່ນພາລະກິດສຳຄັນຍິ່ງຂອງປະເທດຊາດ; ແມ່ນໜ້າທີ່ເປັນປະຈຳຂອງທັງລະບົບການເມືອງ ແລະ ທົ່ວສັງຄົມ. ທ່ານປະທານປະເທດ Truong Tan Sang ຖືວ່າ: ກອງປະຊຸມໃຫ່ຍພັກທົ່ວປະເທດຄັ້ງທີ 11 ໄດ້ວາງອອກໜ້າທີ່ສຳຄັນ ນັ້ນແມ່ນ “ເສີມຂະຫຍາຍກຳລັງແຮງສັງລວມຂອງທົ່ວທັງຊາດ, ທັງລະລົບການເມືອງຢ່າງແຮງ, ປະຕິບັດຈຸດໝາຍ, ໜ້າທີ່ປ້ອງກັນຊາດປ້ອງກັນຄວາມສະຫງົບເປັນຢ່າງດີ, ປົກປັກຮັກສາເອກະລາດ, ອະທິປະໄຕ, ເອກະພາບ ແລະ ຜືນແຜ່ນດິນອັນຄົບຖ້ວນຢ່າງໝັ້ນຄົງ“. ທ່ານປະທານປະເທດ Truong Tan Sang ເນັ້ນໜັກວ່າ:
“ໂດຍແມ່ນສູນສຶກສາບຳລຸງສ້າງ ແລະ ຄົ້ນຄ້ວາວິທະຍາສາດປ້ອງກັນຊາດປ້ອງກັນຄວາມສະຫງົບອັນດັບ 1 ຂອງກອງທັບ ແລະ ປະເທດຊາດ, ທາງວິທະຍາຄານຕ້ອງປ່ຽນໃໝ່ຢ່າງແຮງກ່ວາອີກ ເພື່ອຍົກສູງຄຸນນະພາບຮອບດ້ານ ທັງຂົງເຂດຄົ້ນຄ້ວາວິທະຍາສາດ ແລະ ການສຶກສາບຳລຸງສ້າງ. ທາງວິທະຍາຄານຕ້ອງຄົ້ນຄ້ວາມູນເຊື້ອ, ສິລະປະຍຸດການທະຫານຂອງລຸ້ນພໍ່ລຸ້ນອ້າຍໃນປະຫວັດສາດສ້າງສາ ແລະ ປົກປັກຮັກສາປະເທດຊາດນັບພັນປີ, ຄົ້ນຄ້ວາແນວທາງ, ສິລະປະຊີ້ນຳໃນການຕໍ່ສູ້ຂອງພັກ, ລັດ, ບັນດາບົດຮຽນທີ່ອຸດົມສົມບູນ, ມີຫົວຄິດປະດິດສ້າງຂອງກອງທັບຫວຽດນາມ ໃນບັນດາການຕໍ່ສູ້ປົກປັກຮັກສາປະເທດຊາດໃນຕະຫຼອດ 60 ປີຜ່ານມາ; ຄົ້ນຄ້ວາວິທະຍາສາດການທະຫານຂອງປະເທດຕ່າງໆໃນໂລກ, ພິເສດແມ່ນບັນດາບັນຫາຂອງສົງຄາມທັນສະໄໝ, ສົງຄາມເຕັກໂນໂລຊີສູງໃນປະຈຸບັນ ເພື່ອເປັນເສນາທິການໃຫ້ແກ່ພັກ, ລັດ, ກອງທັບ ແລະ ຮັບໃຊ້ໃຫ້ແກ່ວຽກງານບຳລຸງສ້າງຂອງວິທະຍາຄານ “.