ປະທານປະເທດ ເຈືອງເຕີນຊາງ ພົບປະກັບຜູ້ມີສິດເລືອກຕັ້ງນະຄອນໂຮ່ຈິມິນ
ທ່ານປະທານປະເທດ ເຈືອງເຕີນຊາງ
ພົບປະກັບຜູ້ມີສິດເລືອກຕັ້ງເມືອງ 1
(ພາບ: qdnd.vn)
(vovworld) - ວັນທີ 02/12, ທ່ານປະທານປະເທດ ເຈືອງເຕີນຊາງ ແລະ ຄະນະສະມາຊິກສະພາແຫ່ງຊາດ (ສສຊ) ນະຄອນໂຮ່ຈິມິນ ຫົວໜ່ວຍເລືອກຕັ້ງເລກ 1 ໄດ້ມີການພົບປະກັບຜູ້ມີສິດເລືອກຕັ້ງເມືອງ 1. ບັນດາຜູ້ມີສິດເລືອກຕັ້ງໄດ້ຊົມເຊີຍ ແລະ ຕີລາຄາສູງຈິດໃຈເຮັດວຽກຢ່າງເຂັ້ມງວດຂອງບັນດາ ສສຊ ໃນກອງປະຊຸມສະໄໝສາມັນເທື່ອທີ 6; ຖືນີ້ແມ່ນກອງປະຊຸມທີ່ມີລັກສະນະປະວັດສາດ ດ້ວຍເລື່ອງສະພາແຫ່ງຊາດປຶກສາຫາລື ແລະ ຕົກລົງຫຼາຍບັນຫາສຳຄັນ, ພິເສດແມ່ນເລື່ອງຮັບຮອງເອົາຮ່າງລັດຖະທຳມະນູນປີ 1992 (ສະບັບປັບປຸງ), ຮັບຮອງເອົາຮ່າງກົດໝາຍ 8 ສະບັບ ແລະ ມະຕິສຳຄັນອື່ນໆ. ທ່ານປະທານປະເທດ ເຈືອງເຕີນຊາງ ໄດ້ຮັບຮູ້ບັນດາຄຳເຫັນປະກອບຢ່າງສຸດຈິດສຸດໃຈຂອງຜູ້ມີສິດເລືອກຕັ້ງ, ແກ້ໄຂຄວາມເປັນຫ່ວງກັງວົນຂອງຜູ້ມີສິດເລືອກຕັ້ງກ່ຽວກັບປະສິດທິຜົນວຽກງານພົບປະກັບຜູ້ມີສິດເລືອກຕັ້ງ. ທ່ານປະທານປະເທດ ປາດຖະໜາວ່າ, ຜູ້ມີສິດເລືອກຕັ້ງແຕ່ລະຄົນຄວນເສີມຂະຫຍາຍບົດບາດຕິດຕາມກວດກາຂອງປະຊາຊົນ. ຍາມໃດ ພັກ ແລະ ລັດ ກໍ່ຮັບຟັງຄຳເຫັນປະກອບຂອງປະຊາຊົນ. ທ່ານປະທານປະເທດ ຢືນຢັນຈະພ້ອມກັບບັນດາ ສສຊ ມານະພະຍາຍາມຈົນສຸດຄວາມສາມາດຂອງຕົນເພື່ອສົມກັບຄວາມໄວ້ເນື້ອເຊື່ອໃຈຂອງຜູ້ມີສິດເລືອກຕັ້ງໃນທົ່ວປະເທດ.