ທ່ານປະທານປະເທດ ຫງວຽນຊວັນຟຸກ ແລະ ທ່ານເອກອັກຄະລັດຖະທູດ ອາເມລິກາ Marc Evans Knapper (ພາບ: TTXVN)

ຕອນບ່າຍວັນທີ 11 ກຸມພາ, ທີ່ການຕ້ອນຮັບທ່ານເອກອັກຄະລັດຖະທູດ ອາເມລິກາ Marc Evans Knapper, ເຂົ້ນຍື່ນສານຕາຕັ້ງທ່ານປະທານປະເທດ ຫງວຽນຊວັນຟຸກ ໄດ້ອວຍພອນທ່ານເອກອັກຄະລັດຖະທູດ ເມື່ອໄດ້ຮັບການມອບໝາຍໜ້າທີ່ໃໝ່ຈາກທ່ານປະທານາທິບໍດີ ອາເມລິກາ Joe Biden ແລະ ຍິນດີຕ້ອນຮັບທ່ານກັບຄືນຮ່າໂນ້ຍ. ທ່ານປະທານປະເທດ ຢັ້ງຢືນວ່າ ການພົວພັນຄູ່ຮ່ວມມືຍຸດທະສາດ ຮອບດ້ານລະຫວ່າງສອງຝ່າຍນັບມື້ນັບເລິກເຊິ່ງກ່ວາອີກ, ວົງເງິນການການຄ້າສອງປະເທດໃນປີ 2021ບັນລຸຕົວເລກສະຖິຕິແມ່ນ 111 ຕື້ USD ແລະ ປັດຈຸບັນ ຫວຽດນາມ ໄດ້ກາຍເປັນ 1 ໃນ 10 ປະເທດຄູ່ຮ່ວມມືການຄ້າໃຫຍ່ທີ່ສຸດຂອງ ອາເມລິກາ. ສ່ວນທ່ານເອກອັກຄະລັດຖະທູດ ອາເມລິກາ ໃຫ້ຮູ້ວ່າ ທ່ານຮູ້ສຶກປະທັບໃຈຕໍ່ການພັດທະນາຢ່າງແຮງຂອງ ຫວຽດນາມ ໃນຫຼາຍດ້ານ, ທ່ານກໍ່ຢັ້ງຢືນວ່າ ຈະມານະພະຍາຍາມຈົນສຸດຄວາມສາມາດຂອງຕົນ ເພື່ອຊຸກຍູ້ການຮ່ວມມືສອງປະເທດໃນບັນດາຂົງເຂດ ການຄ້າ, ການລົງທຶນ, ການສຶກສາ, ການປ້ອງກັນຊາດ, ປ້ອງກັນຄວາມສະຫງົບ.

ທີ່ການຕ້ອນຮັບທ່ານເອກອັກຄະລັດຖະທູດ ເມັກຊີໂກ ເຂົ້າຍື່ນສານຕາຕັ້ງ, ທ່ານປະທານປະເທດໄດ້ສະແດງຄວາມຊົມເຊີຍຕໍ່ ແລະ ທ່ານ Alejandro Negrin Munoz ທີ່ໄດ້ແຕ່ງຕັ້ງເປັນເອກອັກຄະລັດຖະທູດຜູ້ມີອຳນາດເຕັມແຫ່ງ ເມັກຊີໂກ ປະຈຳ ຫວຽດນາມ.ເມື່ອເນັ້ນໜັກເຖິງການພົວພັນຮ່ວມມືອັນດີງາມລະຫວ່າງສອງປະເທດໃນໄລຍະຜ່ານມາ, ທ່ານປະທານປະເທດ ຫງວຽນຊວັນຟຸກ ໃຫ້ຮູ້ວ່າ, ສອງຝ່າຍຄວນຮັກສາການແລກປ່ຽນ, ພົບປະດ້ານການເມືອງໃນທຸກຂັ້ນ ແລະ ຊຸກຍູ້ບັນດາກົນໄກຮ່ວມມື.

ກ່ອນໜ້ານັ້ນທ່ານປະທານປະເທດ ຫງວຽນຊວັນຟຸກ ໄດ້ໃຫ້ການຕ້ອນຮັບທ່ານ ເອກອັກຄະລັດຖະທູດ ສິງກະໂປ Jaya Ratnam ເຊັ່ນດຽວກັນ