ປະທານປະເທດຫງວຽນຊວນຟຸກໃຫ້ການຕ້ອນຮັບຄະນະຜູ້ແທນຄະນະ ສ.ສ.ຊ ຄະນະຊາວໜຸ່ມ, ພັກ ປະຊາທິປະໄຕເສລີຍີ່ປຸ່ນ

      ທີ່ການຕ້ອນຮັບ, ທ່ານປະທານປະເທດ ຫງວຽນຊວນຟຸກ ຕີລາຄາສູງການຢ້ຽມຢາມຂອງຄະນະ, ສະເໜີໃຫ້ຄະນະຊາວໜຸ່ມພັກ ປະຊາທິປະໄຕເສລີ ຍີ່ປຸ່ນ ຊຸກຍູ້ການພົວພັນຮ່ວມມືລະຫວ່າງ ຫວຽດນາມ - ຍີ່ປຸ່ນ, ພິເສດແມ່ນຄວາມໄວ້ເນື້ອເຊື່ອໃຈດ້ານການເມືອງ, ແລກປ່ຽນຄະນະຜູ້ແທນຂັ້ນສູງ ແລະ ຂັ້ນຕ່າງໆ. ທ່ານປະທານປະເທດ ຫງວຽນຊວນຟຸກ ປາດຖະໜາວ່າ ຍີ່ປຸ່ນ ຈະໜູນຊ່ວຍ ຫວຽດນາມ ໃນຫຼາຍຂົງເຂດ, ຊຸກຍູ້ການຮ່ວມມືໃນການຟື້ນຟູເສດຖະກິດພາຍຫຼັງໂລກລະບາດ, ພິເສດແມ່ນບັນດາຂົງເຂດການລົງທຶນ, ການຄ້າ, ນະວັດຕະກຳ ແລະ ຫັນເປັນດີຈີຕອນ, ຫັນເປັນສີຂຽວ; ສົມທົບກັນຢ່າງແໜ້ນແຟ້ນ ເພື່ອຊຸກຍູ້ໃຫ້ຍີ່ປຸ່ນ ກາຍເປັນນັກລົງທຶນອັນດັບ 1 ຂອງຫວຽດນາມ ໂດຍໄວ ຜ່ານການຜັນຂະຫຍາຍປະຕິບັດຂໍ້ລິເລີ່ມລົງທຶນຢູ່ອາຊີໃນອະນາຄົດຢ່າງມີປະສິດທິຜົນ.

          ສ່ວນທ່ານ Suzuki Norikazu ໃຫ້ຮູ້ວ່າ: ໃນໄລຍະຈະມາເຖິງ, ບັນດາສະມາຊິກສະພາແຫ່ງຊາດ ຍີ່ປຸ່ນ ຈະສືບຕໍ່ເສີມຂະຫຍາຍການພົວພັນອັນດີງາມລະຫວ່າງ 2 ປະເທດ, ປາດຖະໜາຢາກເຂົ້າຮ່ວມບັນດາການເຄື່ອນໄຫວທີ່ມີຄວາມໝາຍ ແລະ ແທດຈິງໃນໂອກາດວັນຄົບຮອບ 50 ປີແຫ່ງການສ້າງຕັ້ງການພົວພັນທາງການທູດລະຫວ່າງສອງປະເທດໃນປີ 2023.