(vovworld) – ​ ຕອນ​ເຊົ້າ​ວັນ​ທີ 11/6, ທ່ານ​ປະທານ​ປະ​ເທດ​ຫວຽດນາມ ​ເຈືອງ​ເຕິ​ນຊາງ ​ໄດ້​ໃຫ້ການ​ຕ້ອນຮັບ​ທ່ານ Gary Pruitt, ປະທານ​ສຳນັກ​ຂ່າວສານ AP ຂອງ ອາ​ເມ​ລິ​ກາ. ທ່ານ​ປະທານ​ປະ​ເທດ​ຫວຽດນາມ ​ເຈືອງ​ເຕິ​ນຊາງ ​ເນັ້ນ​ໜັກ​ວ່າ: ການ​ພົວພັນ ຫວຽດນາມ-​ອາ​ເມ​ລິ​ກາ ​ໄດ້​ມີ​ບັນດາ​ບາດກ້າວ​ພັດທະນາ​ກະ​ໂດດ​ຂັ້ນ ​ແລະ ຮອບດ້ານ ​ເຊິ່ງ​ເຫດການ​ທີ່​ພົ້ນ​ເດັ່ນ​ແມ່ນ​ການ​ຢ້ຽມຢາມ​ ອາ​ເມ​ລິ​ກາ ຈະ​ມາ​ເຖິງ​ຂອງ​ທ່ານ​ເລຂາທິການ​ໃຫຍ່​ຄະນະ​ບໍລິຫານ​ງານ​ສູນ​ກາງ​ພັກ​ກອມ​ມູນິດຫວຽດນາມ ຫງວຽນ​ຟຸຈ້ອງ.  ທ່ານ​ປະທານ​ປະ​ເທດ​ຫວຽດນາມ ​ເຈືອງ​ເຕິ​ນຊາງ ປາດ​ຖະໜາ​ວ່າ:  AP ຈະ​ສືບ​ຕໍ່​ປະກອບສ່ວນ​ໃຫ້ການ​ພົວພັນ​ຄູ່​ຮ່ວມ​ມື​ຮອບດ້ານ ຫວຽດນາມ-​ອາ​ເມ​ລິ​ກາ, ສືບ​ຕໍ່​ແນະນຳ​ຮູບພາບຂອງປະ​ເທດ​ ຫວຽດນາມ ທີ່​ຂະຫຍັນ​ຂັນ​ເຄື່ອນ ກໍ​ຄື​ຄວາມປາດ​ຖະໜາກ່ຽວ​ກັບ​ສັນຕິພາບ, ມິດຕະພາບ​ຂອງ​ປະຊາຊົນ ຫວຽດນາມ ​ເຖິງ​​ເພື່ອນ​ມິດ​ໃນ​ໂລກ. ທ່ານປະທານ​ປະ​ເທດ​ຫວຽດນາມ ​ເຈືອງ​ເຕິ​ນຊາງ ຖື​ວ່າ: ການ​ພົວພັນ​ຮ່ວມ​ມື ຫວຽດນາມ-​ອາ​ເມ​ລິ​ກາ ພວມ​ຢືນ​ຕໍ່ໜ້າ​ອະນາຄົດ​ທີ່​​ສົດ​ໄສ, ມີ​ແງ່​ຫວັງ​ຫຼາຍ​ຢ່າງ ນຳ​ມາ​ເຊິ່ງຄວາມ​ວັດ​ທະນາ​ຖາວອນ ​ແລະ ຕອບ​ສະໜອງ​ຄວາມ​ມຸ່ງ​ມາດ​ປາດ​ຖະໜາ​ຂອງ​ປະຊາຊົນ 2 ປະ​ເທດ, ​ເພື່ອ​ສັນຕິພາບ, ສະຖຽນ​ລະ​ພາບຢູ່​ພາກ​ພື້ນ ​ແລະ ຢູ່​ໃນ​ໂລກ. ທ່ານ​ປະທານ​ປະ​ເທດ​ຫວຽດ​ນາມ ​ເຈືອງ​ເຕິ​ນຊາງ ສະ​ແດງ​ຄວາມ​ເຊື່ອ​ໝັ້ນ​ວ່າ: ​ໃນ​ວິວັດ​ການ​ນັ້ນ, ສື່​ມວນ​ຊົນ, ສຳນັກ​ຂ່າວສານ, ​ແລະ ​ສຳນັກ​ຂ່າວສານ AP ຈະ​ຮັບຜິດຊອບ​ບົດບາດ​ໜ້າ​ທີ່ຢ່າງ​ເໝາະ​ສົມ.

         ທ່ານ Gary Pruitt, ປະທານ​ສຳນັກ​ຂ່າວສານ AP ​ໃຫ້​ຮູ້​ວ່າ: AP ພ້ອມ​ແລ້ວ​ທີ່​ຈະ​ແນະນຳ​ເຖິງ​ໂລກ ກ່ຽວ​ກັບ​ການ​ພັດທະນາ​ຂອງ ຫວຽດນາມ.