ປະທານປະເທດເຈິ່ນດ້າຍກວາງຢ້ຽມຢາມສູນປິ່ນປົວພະຍາດບຳລຸງສຸຂະພາບໃຫ້ທະຫານເສຍອົງຄະ

ວັນພຸດ ທີ 11 ມັງກອນ ຄ.ສ. 2017 | 12:57:06

(vovworld) - ເນື່ອງໃນໂອກາດບຸນເຕັດປີລະກາ 2017, ຕອນຄຳ່ວັນທີ 10/1, ທ່ານປະທານປະເທດ ເຈິ່ນດ້າຍກວາງ ໄດ້ລົງຢ້ຽມຢາມ ແລະ ມອບຂອງຂັວນໃຫ້ທະຫານເສຍອົງຄະ ແລະ ນັກຮົບເຈັບເປັນ ທີ່ພວມໄດ້ຮັບການສົ່ງເສີມ, ປິ່ນປົວພະຍາດ ແລະ ບຳລຸງສຸຂະພາບຢູ່ສູນປິ່ນປົວພະຍາດບຳລຸງສຸຂະພາບໃຫ້ທະຫານເສຍອົງຄະ ຍໍກວານ (ແຂວງ ນິງບິ່ງ). ທ່ານປະທານປະເທດ ເຈິ່ນດ້າຍກວາງ ໄດ້ຢື້ຢາມຖາມຂ່າວ, ສະແດງຄວາມຮູ້ບຸນຄຸນຢ່າງເລິກເຊິ່ງ, ກໍ່ຄືສົ່ງຄຳອວຍພອນປີໃໝ່ເຖິງບັນດາທະຫານເສຍອົງຄະ, ນັກຮົບເຈັບເປັນ ທີ່ພວມໄດ້ຮັບການສົ່ງເສີມ, ປິ່ນປົວພະຍາດ ແລະ ບຳລຸງສຸຂະພາບຢູ່ໃນສູນ. ທ່ານປະທານປະເທດ ເຈິ່ນດ້າຍກວາງ ເນັ້ນໜັກວ່າເລື່ອງສົ່ງເສີມ, ປິ່ນປົວພະຍາດ ແລະ ບຳລຸງສຸຂະພາບໃຫ້ທະຫານເສຍອົງຄະ, ນັກຮົບເຈັບເປັນ ແມ່ນແຜນນະໂຍບາຍຂອງພັກ, ລັດ ແລະ ປະຊາຊົນ, ສະແດງໃຫ້ເຫັນມູນເຊື້ອ, ສິນທຳທີ່ວ່າ “ກິນເຂົ້າຄິດຮອດຄຸນນາ, ກິນປາຄິດຮອດຄຸນນຳ້“ ຂອງຊາດ. ທ່ານປະທານປະເທດ ຫວັງວ່າ, ການນຳແຂວງ ນິງບິ່ງ ແລະ ເມືອງ ຍໍກວານ ສືບຕໍ່ເອົາໃຈໃສ່ສົ່ງເສີມ, ສ້າງເງື່ອນໄຂສະດວກເພື່ອໃຫ້ສູນປິ່ນປົວພະຍາດ ແລະບຳລຸງສຸຂະພາບນັບມື້ນັບໃຫຍ່ໂຕສວຍງາມທາງດ້ານພື້ນຖານດ້ານວັດຖຸ, ເພື່ອໃຫ້ບັນດາທະຫານເສຍອົງຄະ, ນັກຮົບເຈັບເປັນໄດ້ຮັບການຊົມໃຊ້ເງື່ອນໄຂສົ່ງເສີມສຸຂະພາບໄດ້ດີກວ່າ.