​​(vovworld) - ທ່ານ​ປະທານ​ປະ​ເທດ ​ເຈືອງ​ເຕີນ​ຊາງ​ ​ໄດ້​ຢືນຢັນ​ວ່າ, ປະ​ເທດ​ຊາດ ຍາມ​ໃດ​ກໍ​ຕ້ອນຮັບ​ບັນດາ​ຊາວ​ໜຸ່ມ​ຫວຽດນາມ ອາ​ໄສ​ຢູ່​ຕ່າ​ງປະ​ເທດ ກັບ​​ເມືອ​ປະ​ເທດ​​ເພື່ອ​ສ້າງສາ​ບ້ານ​ເກີດ​ເມືອງ​ນອນ, ​ໃນ​ການ​ຕ້ອນຮັບ​ຄະນະຜູ້​ແທນ​ຊາວໜຸ່ມ​ເຍົາວະ​ຊົນ​ຫວຽດນາມ​ພວມ​ຮໍ່າຮຽນ​ຢູ່​ຕ່າງປະ​ເທດກວ່າ 100 ຄົນ, ​ເນື່ອງ​​ໃນ​ໂອກາດກັບ​ເມືອນະ​ຄອນ​ຫຼວງ​ຮ່າ​ໂນ້ຍ ​​ເຂົ້າ​ຮ່ວມຄ້າຍ​ພັກ​ແລ້ງ​ຫວຽດນາມປີ 2015, ​ເຊິ່ງດຳ​ເນີນ​ໃນ​ຕອນ​ບ່າຍ​ວັນ​ທີ 14/07, ຢູ່​ສຳນັກງານ​ປະທານ​ປະ​ເທດ. ທີ່​ການ​ພົບ​ປະ, ທ່ານ​ປະທານ​ປະ​ເທດ ​ເນັ້ນ​ໜັກ​ວ່າ, ບັນດາ​ນະ​ໂຍບາຍ​ຂອງ​ພັກ, ລັດ​ທີ່​ສະຫງວນ​​ໃຫ້​​ຊາວ​ຫວຽດນາມ ອາ​ໄສ​ຢູ່​ຕ່າງປະ​ເທດ ພວມ​ໄດ້​​ຫັນ​ເປັນ​ລະອຽດ ​ແລະ ​ກ້າວເຂົ້າ​ສູ່​ຊີ​ວິດ​ເທື່ອ​ລະ​ກ້າວ, ສ້າງ​ໂອກາດ​ເພື່ອ​ໃຫ້ປະຊາຊົນ​ທຸກ​ຊັ້ນວັນນະ​ໄດ້​ກັບ​ເມືອ​ປະ​ເທດ, ​ເຫັນ​ປະຈັກ​ຕາ​ການ​ປ່ຽນ​ແປງ​ຂອງ​ປະ​ເທດ​ຊາດ. ທ່ານ​ປະທານ​ປະ​ເທດ ​ເຊື່ອ​ໝັ້ນ​ວ່າ, ຜ່ານ​ບັນດາ​ການ​ເຄື່ອນ​ໄຫວທີ່ມີ​ປະ​ໂຫຍ​ດຂອງ​ຄ້ານ​ພັກ​ແລ້ງ ​ເຊິ່ງດຳ​ເນີນ​​ຢູ່​ພາກ​ເໜືອ, ພາກ​ກາງ ​ແລະ ພາກ​ໃຕ້​ຫວຽດນາມ, ບັນດາຊາວ​ໜຸ່ມ; ນັກ​ສຶກສາຊາວ​ຫວຽດນາມ ອ​າ​ໄສ​ຢູ່​ຕ່າງປະ​ເທດ​ຍິ່ງ​ມີ​ຄວາມ​ຮັກ​ຕໍ່​ບ້ານ​ເກີດ​ເມືອງ​ນອນ, ປະ​ເທດ​ຊາດ​ກວ່າ, ​ເສີມ​ຂະຫຍາຍ​ຄວາມ​ເອກ​ອ້າງ​ຖະນົງ​ໃຈ​ຂອງ​ຊາດ, ກາຍ​ເປັນ​ທູດ​ວັດທະນະທຳ, ​ໂຄສະນາ​​ໃຫ້​ເພື່ອນ​ມິດສາ​ກົນ.