(ທ່ານປະທານປະເທດ ເຈືອງເຕີ໋ນຊາງ ໄດ້ມອບງົວແນວພັນ 20
ໂຕໃຫ້ບັນດາຄອບຄົວທີ່ທຸກຍາກຂຶ້ນກັບບັນດາຕາແສງ ແທງຖຸຍ)
(vovworld) – ວັນທີ 10/12, ທ່ານປະທານປະເທດ ຫວຽດນາມ ເຈືອງເຕີ໋ນຊາງ ຢ້ຽມຢາມ ແລະ ເຮັດວຽກຢູ່ແຂວງ ຮ່າຢາງ, ກວດກາສະພາບການພັດທະນາເສດຖະກິດ - ສັງຄົມ, ຮັບປະກັນດ້ານປ້ອງກັນຊາດປ້ອງກັນຄວາມສະຫງົບ, ກໍ່ສ້າງຊົນນະບົດໃໝ່ຢູ່ບາງຕາແສງໃນເຂດຊາຍແດນ. ຢູ່ຕາແສງ ມິງເຕີນ, ເມືອງ ວິຊວຽນ, ທ່ານປະທານປະເທດ ເຈືອງເຕີ໋ນຊາງ ໄດ້ຢ້ຽມຢາມຖາມຂ່າວ, ປຸກລະດົມຊອກຮູ້ຊີວິດການເປັນຢູ່ຂອງພໍ່ແມ່ປະຊາຊົນແຫ່ງນີ້. ຫລັງຈາກນັ້ນ ທີ່ພິທີມອບງົວໃນໂຄງການ “ງົວແນວພັນຊ່ວຍຄົນທຸກຍາກເຂດຊາຍແດນ”, ທ່ານປະທານປະເທດ ເຈືອງເຕີ໋ນຊາງ ໄດ້ມອບແນວພັນງົວ 20 ໂຕໂດຍກົງໃຫ້ບັນດາຄອບຄົວທີ່ທຸກຍາກຂຶ້ນກັບບັນດາຕາແສງ ແທງຖຸຍ, ລາວຈາຍ, ຊີ໋ນຈາຍ ແລະ ແທງດຶກ.
ແລະໃນວັນດຽວກັນ, ທ່ານປະທານປະເທດ ເຈືອງເຕີ໋ນຊາງ ພ້ອມກັບຄະນະປະຕິບັດງານສູນກາງໄດ້ລົງສຳຫລວດຮູບແບບບ້ານວັດທະນະທຳທ່ອງທ່ຽວປະຊາຄົມ ແລະ ຊີວະພາບຂຶ້ນກັບຕາແສງເຟືອງໂດ້, ນະຄອນ ຮ່າຢາງ. ນະທີ່ນີ້ ທ່ານປະທານປະເທດ ຢືນຢັນວ່າ: ກໍ່ສ້າງຊົນນະບົດໃໝ່ ແມ່ນໂຄງການທີ່ເໝາະສົມກັບຈິດໃຈຂອງປະຊາຊົນ, ຄວນຮັກສາ, ເສີມຂະຫຍາຍ, ນຳມາເຊິ່ງຜົນປະໂຫຍດໃຫ້ປະຊາຊົນ. ດ້ວຍບັນດາຂະແໜງອາຊີບຫາກໍພົ້ນເດັ່ນ ແລະ ມີຄວາມສາມາດບົ່ມຊ້ອນຄື: ການບໍລິການທ່ອງທ່ຽວ, ຄວນໂຄສະນາເຜີຍແຜ ຮ່ຳຮຽນຮູບແບບ, ບົດຮຽນທີ່ດີຈາກບັນດາແຂວງ, ນະຄອນໃນທົ່ວປະເທດ, ນຳໃຊ້ຜົນສຳເລັດເຂົ້າໃນພຶດຕິກຳຕົວຈິງຢູ່ ຮ່າຢາງ.