ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ຢ້ຽມຢາມພະນັກງານ, ລັດຖະກອນສະຖານທູດ ແລະ ພົບປະກັບຜູ້ຕາງໜ້າປະຊາຄົມຊາວ ຫວຽດນາມ ອາໄສ ຢູ່ ແຟງລັງ

ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ຮັບຮູ້ ແລະ ຕີລາຄາສູງຕໍ່ອາລົມຈິດຂອງປະຊາຄົມຊາວ ຫວຽດນາມ ອາໄສ ຢູ່ ແຟງລັງ ທີ່ຍາມໃດກໍ່ອວ່າຍໜ້າເມືອຫາປະເທດຊາດ, ພ້ອມທັງຮັບເອົາບັນດາຂໍ້ສະເໜີແນະຂອງພໍ່ແມ່ປະຊາຊົນ. ທ່ານປະທານສະພາແຫ່ງຊາດ ເວືອງດິ່ງເຫວ້ ກໍເນັ້ນໜັກວ່າ ກົມການເມືອງ ຫາກໍປະກາດບົດສະຫຼຸບເລກທີ 12 ກ່ຽວກັບວຽກງານຊາວ ຫວຽດນາມ ອາໄສຢູ່ຕ່າງປະເທດໃນສະພາບການໃໝ່, ໃນນັ້ນ ກົມການເມືອງ ສືບຕໍ່ຢັ້ງຢືນວ່າ ປະຊາຄົມຊາວ ຫວຽດນາມ ອາໄສຢູ່ຕ່າງປະເທດ ແມ່ນພາກສ່ວນທີ່ບໍ່ອາດຕັດແຍກອອກຈາກຊາດ ຫວຽດນາມ ໄດ້ ແລະ ນີ້ແມ່ນແຫຼ່ງກຳລັງສຳຄັນຂອງຊາດ ຫວຽດນາມ; ທ່ານກໍເນັ້ນໜັກວ່າ ໃນໄລຍະຈະມາເຖິງຈະສືບຕໍ່ເພີ່ມທະວີການປະຕິບັດຕາມເນື້ອໃນຈິດໃຈຂອງບົດສະຫຼຸບເລກທີ 12, ໃນນັ້ນ ຍູ້ແຮງການປົກປ້ອງພົນລະເມືອງ, ແກ້ໄຍບັນດາຂໍ້ຕິດຄັດໃນການປະຕິບັດບັນດາລະບຽບການບໍລິຫານທີ່ກ່ຽວຂ້ອງ… ໃຫ້ແກ່ຊາວ ຫວຽດນາມ ອາໄສຢູ່ຕ່າງປະເທດ.

ການເຄື່ອນໄຫວຢ້ຽມຢາມສະຖານທູດ ແລະ ພົບປະກັບປະຊາຄົມຊາວຫວຽດນາມ ອາໄສຢູ່ ແຟງລັງ ກໍເປັນການເຄື່ອນໄຫວສິ້ນສຸດລາຍການເຄື່ອນໄຫວຂອງທ່ານປະທານສະພາແຫ່ງຊາດ ເວືອງດິ່ງເຫວ້ ເຂົ້າຮ່ວມກອງປະຊຸມປະທານສະພາແຫ່ຊາດໂລກຄັ້ງທີ 5 (WCSP5)  ຢູ່ ໂອຕາລິດ, ຢ້ຽມຢາມ ແລະ ເຮັດວຽກກັບລັດຖະສະພາເອີຣົບ, ລາຊະອານາຈັກແບນຊິກ ແລະ ຢ້ຽມຢາມປະເທດສາທາລະນະລັດ ແຟງລັງ ຢ່າງເປັນທາງການ.