ປະທານສະພາແຫ່ງຊາດ ເຂົ້າຮ່ວມກອງປະຊຸມທົ່ວປະເທດກ່ຽວກັບວຽກງານກວດກາ, ຕິດຕາມກວດກາຂອງພັກ
(VOVWORLD) - ຕອນເຊົ້າວັນທີ 23 ມັງກອນ, ທີ່ຮ່າໂນ້ຍ, ໄດ້ດຳເນີນກອງປະຊຸມທົ່ວປະເທດສະຫລຸບວຽກງານກວດກາ, ຕິດຕາມກວດກາຂອງພັກປີ 2018, ຜັນຂະຫຍາຍໜ້າທີ່ວຽກງານປີ 2019.
 ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ |
ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ເນັ້ນໜັກວ່າ ປີ 2019 ແມ່ນປີສຳຄັນ ເພື່ອປະຕິບັດມະຕິກອງປະຊຸມໃຫຍ່ຄັ້ງທີ 12 ຂອງພັກ ແລະ ແຜນການພັດທະນາເສດຖະກິດ - ສັງຄົມໄລຍະ 5 ປີ 2016-2020 ຢ່າງມີໄຊ, ກະກຽມໃຫ້ກອງປະຊຸມໃຫຍ່ອົງຄະນະພັກທຸກຂັ້ນ ກ້າວໄປເຖິງກອງປະຊຸມໃຫຍ່ຄັ້ງທີ 13 ຂອງພັກ. ໃນສະພາບການນັ້ນ, ບົດບາດ, ຄວາມຮັບຜິດຊອບຂອງຄະນະພັກ, ຄະນະກຳມະການກວດກາຂັ້ນຕ່າງໆແມ່ນສຳຄັນທີ່ສຸດ. ສະນັ້ນ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ສະເໜີວ່າ ດຳເນີນວຽກງານກວດກາ, ຕິດຕາມກວດກາຢ່າງແຮງກ່ວາ, ຂ້ຽວຂາດກ່ວາ ແລະ ເປັນປະຈຳ, ຮອບດ້ານ, ເປີດເຜີຍ, ປະຊາທິປະໄຕ, ລະມັດລະວັງ.