ປະທານສະພາແຫ່ງຊາດ ເຂົ້າຮ່ວມພິທີສະເຫຼີມສະຫຼອງ 75 ປີ ແຫ່ງວັນການປະຕິວັດ ເດືອນສິງຫາ ແລະ ກອງປະຊຸມໃຫຍ່ ຜູ້ແທນປະຊາຊົນທົ່ວປະເທດຢູ່ເຕິນຈ່າວ
(VOVWORLD) -ຕອນເຊົ້າວັນທີ 19 ສິງຫາ, ຢູ່ຫໍສະພາແຫ່ງຊາດ, ໄດ້ດຳເນີນພິທີສະເຫຼີມສະຫຼອງ 75 ປີແຫ່ງວັນປະຕິວັດ ເດືອນ ສິງຫາ, 75 ປີແຫ່ງວັນ ຈັດຕັ້ງກອງປະຊຸມໃຫຍ່ ຜູ້ແທນປະຊາຊົນທົ່ວປະເທດຢູ່ເຕິນຈ່າວ ໂດຍມີການເຂົ້າຮ່ວມຂອງທ່ານນາງ ຫງວຽນທິກິມເງິນ ປະທານສະພາແຫ່ງຊາດຫວຽດນາມ.
 ທ່ານນາງ ຫງວຽນທິກິມເງິນ ໄດ້ມອບຫຼຽນໄຊແຮງງານ ແລະ ມອບໃບຍ້ອງຍໍຂອງ ນາຍົກລັດຖະມົນຕີ ໃຫ້ແກ່ສ່ວນບຸກຄົນທີ່ມີຜົນງານດີເດັ່ນ |
ທີ່ພິທີ, ທ່ານ ຫງວຽນແຮ້ງຟຸກ ເລຂາທິການໃຫຍ່, ຫົວໜ້າຫ້ອງວ່າການສະພາແຫ່ງຊາດ ໄດ້ມີບົດກ່າວປາໄສຫວນຄືນບັນດາໜ້າປະຫວັດສາດທີ່ອົງອາດກ້າຫານຂອງປະເທດຊາດ, ທ່ານຢັ້ງຢືນການກຳເນີດສະພາແຫ່ງຊາດຫວຽດນາມ ທັງແມ່ນໝາກຜົນ, ທັງແມ່ນຄວາມຮຽກຮ້ອງຕ້ອງການທີ່ຈຳເປັນຂອງການປະຕິວັດ. ສະພາແຫ່ງຊາດແມ່ນສັນຍາລັກຂອງ ເອກະລາດແຫ່ງຊາດ, ແມ່ນກ້ອນມະຫາສາມັກຄີທົ່ວປວງຊົນທັງຊາດ. ເກືອບ 75 ປີທີຜ່ານມາ, ຍາມໃດສະພາແຫ່ງຊາດກໍ່ຮ່ວມເດີນທາງພ້ອມກັບບັນດາບາດກ້າວພັດທະນາຂອງຊາດ, ນັບມື້ນັບປະຕິບັດບົດບາດເປັນອົງການຕົວແທນສູງສຸດຂອງປະຊາຊົນ, ເປັນອົງການທີ່ມີສິດອຳນາດສູງສຸດຂອງ ປະເທດສາທາລະນະລັດ ສັງຄົມນິຍົມຫວຽດນາມ ໃຫ້ດີກ່ວາອີກ.
ແລະກໍ່ໃນພິທີ, ທ່ານນາງ ຫງວຽນທິກິມເງິນ ໄດ້ມອບຫຼຽນໄຊແຮງງານ ແລະ ມອບໃບຍ້ອງຍໍຂອງ ນາຍົກລັດຖະມົນຕີໃຫ້ແກ່ສ່ວນບຸກຄົນທີ່ມີຜົນງານດີເດັ່ນໃນວິວັດທະນາການປະຕິບັດໜ້າທີ່ວຽກງານ, ປະກອບສ່ວນເຂົ້າໃນພາລະກິດກໍ່ສ້າງສັງຄົມນິຍົມ ແລະ ປົກປັກຮັກສາປະເທດຊາດ.