(VOVWORLD) -ລາຍການ “ກຽດສະຫງ່າຢູ່ແນວໜ້າ”ເຊິ່ງໄດ້ດຳເນີນໃນຕອນຄ່ຳວັນທີ 30 ມິຖຸນາ, ຢູ່ສູນກະຈາຍສຽງ -ໂທລະພາບກອງທັບ ແມ່ນເພື່ອແນໃສ່ເຊີດຊູບັນດາຜົນງານທີ່ພົ້ນເດັ່ນ ແລະ ບັນດາການປະກອບສ່ວນຂອງທຸກຂັ້ນ, ທຸກຂະແໜງການ, ໝູ່ຄະນະ ແລະ ສ່ວນບຸກຄົນໃນວຽກງານປ້ອງກັນ, ສະກັດກັ້ນໂລກລະບາດ Covid – 19.
|
 ທ່ານນາງຫງວຽນທິກິມເງິນ ປະທານສະພາແຫ່ງຊາດຫວຽດນາມກ່າວຄຳເຫັນທີ່ລາຍການ
|
ໃນນັ້ນ, ກອງທັບປະຊາຊົນຫວຽດນາມ ແມ່ນໜຶ່ງໃນບັນດາກຳລັງປະຈັນບານຢູ່ແນວໜ້າໃນການປ້ອງກັນ, ສະກັດກັ້ນໂລກລະບາດ Covid – 19.
ເຂົ້າຮ່ວມ ແລະ ກ່າວຄຳເຫັນທີ່ລາຍການ, ທ່ານນາງຫງວຽນທິກິມເງິນ ປະທານສະພາແຫ່ງຊາດຫວຽດນາມ ໄດ້ຍ້ອງຍໍຊົມເຊີຍບັນດາຄວາມມານະພະຍາຍາມຂອງກຳລັງກອງທັບໃນບັ້ນຕໍ່ສູ້ປ້ອງກັນ, ສະກັດກັ້ນໂລກລະບາດ Covid – 19. ໃນສະພາບການໂລກລະບາດ Covid – 19 ພວມມີການຜັນແປຢ່າງສັບສົນ ແລະ ອາດຈະແກ່ຍາວ, ທ່ານນາງ ຫງວຽນທິກິມເງິນໄດ້ສະເໜີວ່າ:
ໃຫ້ສືບຕໍ່ຜັນຂະຫຍາຍເນື້ອໃນຈິດໃຈ “ຕ້ານໂລກລະບາດຄືຕ້ານສັດຕູ”, ຊີ້ນຳວຽກງານປ້ອງກັນ, ສະກັດກັ້ນໂລກລະບາດໃນທົ່ວກອງທັບ, ກະກຽມພື້ນຖານດ້ານວັດຖຸ, ອຸປະກອນ, ພາຫະນະ ຢ່າງຮອບຄອບຖີ່ຖ້ວນ, ຈັດແຈງບັນດາຄ້າຍທະຫານ ແລະ ຮາກຖານໃຫ້ເໝາະສົມ ເພື່ອເປັນບ່ອນແຍກຕົວສຳລັບຜູ້ເຂົ້າເມືອງ. ສະຫຼຸບ, ຖອດຖອນບົດຮຽນ, ປະສົບການຢ່າງທັນການເພື່ອມີບັນດາມາດຕະການທີ່ເໝາະສົມໃນການຮັບມືຢ່າງມີປະສິດທິຜົນ ບໍ່ພຽງແຕ່ສຳລັບໂລກລະບາດ Covid – 19 ເທົ່ານັ້ນ ຫາກຍັງຮັບມືກັບທຸກໆສິ່ງທ້າທາຍຕໍ່ຄວາມໝັ້ນຄົງແບບໃໝ່ອີກດ້ວຍ.