ປະທານສະພາແຫ່ງຊາດ ເວືອງດິ່ງເຫວະ ພົບປະໂອ້ລົມກັບປະຊາຄົມຊາວ ຫວຽດນາມ ອາໄສ ຢູ່ ອິນໂດເນເຊຍ
(VOVWORLD) - ໃນຂອບເຂດການຢ້ຽມຢາມ ອິນໂດເນເຊຍ ຢ່າງເປັນທາງການ, ຕອນຄ່ຳວັນທີ 4 ສິງຫາ, ຢູ່ສະຖານທູດ ຫວຽດນາມ ປະຈຳ ຈາກາຕາ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ໄດ້ໄປຢ້ຽມຢາມ ແລະ ໂອ້ລົມກັບພະນັກງານສະຖານທູດ, ຄະນະຜູ້ຕາງໜ້າ ຫວຽດນາມ ປະຈຳ ອາຊຽນ ແລະ ປະຊາຄົມຊາວ ຫວຽດນາມ ພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ ອິນໂດເນເຊຍ.
 ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ຖ່າຍຮູບພ້ອມກັບພະນັກງານ ສະຖານທູດ ແລະ ຊາວ ຫວຽດນາມ ອາໄສຢູ່ ອິນໂດເນເຊຍ (ພາບ: VOV) |
ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ປາດຖະໜາວ່າ ພະນັກງານສະຖານທູດ, ປະຊາຄົມຊາວ ຫວຽດນາມ ອາໄສຢູ່ປະເທດປະຈຳຖິ່ນ ຈະສືບຕໍ່ເປັນຂົວຕໍ່ໃຫ້ແກ່ການພົວພັນລະຫວ່າງສອງປະເທດ, ປະກອບສ່ວນໂຄສະນາພາບພົດຂອງປະເທດຊາດ, ປະຊາຊົນ ຫວຽດນາມ ຢູ່ ອິນໂດເນເຊຍ, ພ້ອມທັງແຜ່ຂະຫຍາຍພາບພົດກ່ຽວກັບປະເທດຊາດ ແລະ ປະຊາຊົນ ອິນໂດເນເຊຍ ໃຫ້ແກ່ປະຊາຊົນ ຫວຽດນາມ. ໄປຄຽງຄູ່ກັນນັ້ນ, ອົງການການຄ້າສືບຕໍ່ສ້າງເງື່ອນໄຂສະດວກໃຫ້ແກ່ວິສາຫະກິດສອງປະເທດເຄື່ອນໄຫວລົງທຶນ, ດຳເນີນທຸລະກິດເປັນຢ່າງດີທີ່ສຸດ.
 ທ່ານປະທານສະພາແຫ່ງຊາດ ເວືອງດິ່ງເຫວະ ເຂົ້າພົບປະກັບທ່ານນາງ Megawati Sukarnoputri, ປະທານພັກປະຊາທິປະໄຕ ອິນໂດເນເຊຍ ຕໍ່ສູ້ (PDI-P), ອະດິດປະທານາທິບໍດີ ອິນໂດເນເຊຍ (ພາບ: quochoi.vn) |
ກ່ອນໜ້ານັ້ນ, ຕອນບ່າຍວັນທີ 4 ສິງຫາ, ທ່ານປະທານສະພາແຫ່ງຊາດ ເວືອງດິ່ງເຫວະ ໄດ້ເຂົ້າພົບປະກັບທ່ານນາງ Megawati Sukarnoputri, ປະທານພັກປະຊາທິປະໄຕ ອິນໂດເນເຊຍ ຕໍ່ສູ້ (PDI-P), ອະດິດປະທານາທິບໍດີ ອິນໂດເນເຊຍ.
ເລຕວຽດ