ປະທານສະພາແຫ່ງຊາດຫງວຽນຊິງຮູ່ງຕ້ອນຮັບລັດຖະມົນຕີການຕ່າງປະເທດນິວຊີແລນ
ປະທານສະພາແຫ່ງຊາດຫງວຽນຊິງຮູ່ງຕ້ອນຮັບລັດຖະມົນຕີການຕ່າງປະເທດນິວຊີແລນ
(vovworld) – ຕອນເຊົ້າວັນທີ 26/3, ໃນການຕ້ອນຮັບລັດຖະມົນຕີການຕ່າງປະເທດ ນິວຊີແລນ Murray McCully ທີ່ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ, ທ່ານປະທານສະພາແຫ່ງຊາດ ຫງວຽນຊິງຮູ່ງ ຢືນຢັນນະໂຍບາຍຢ່າງສະເໝີຕົ້ນສະເໝີປາຍຂອງ ຫວຽດນາມ ຍາມໃດກໍ່ຖືເປັນສຳຄັນ ແລະ ເພີ່ມທະວີການພົວພັນຮ່ວມມື, ຄູ່ຮ່ວມມືຍຸດທະສາດຮອບດ້ານກັບ ນິວຊີແລນ. ທ່ານປະທານສະພາແຫ່ງຊາດ ສະເໜີວ່າ: ໃນໄລຍະຈະມາເຖິງ, 2 ຝ່າຍຍູ້ແຮງ, ຜັນຂະຫຍາຍໂຄງການເຄື່ອນໄຫວໄລຍະ 2013 – 2016 ກ່ຽວກັບການຮ່ວມມືໃນບັນດາຂົງເຂດຄື: ເສດຖະກິດ - ການຄ້າ, ວິທະຍາສາດ ເຕັກໂນໂລຢີ, ກະສິກຳ, ສຶກສາບຳລຸງສ້າງ, ບັນດາເວທີປາໄສພາກພື້ນ ແລະ ສາກົນ ແລະ ບັນດາເວທີປາໄສຫຼາຍຝ່າຍຢ່າງມີປະສິດທິຜົນ. ທ່ານປະທານສະພາແຫ່ງຊາດ ຫງວຽນຊິງຮູ່ງ ເນັ້ນໜັກວ່າ: ຫວຽດນາມ ປາດຖະໜາຢາກ ນິວຊີແລນ ສະໜັບສະໜູນ ຫວຽດນາມ ໃນການເຈລະຈາສັນຍາຄູ່ຮ່ວມມືຂ້າມປາຊີຟິກ (TPP).
ແລະກໍ່ໃນຕອນເຊົ້າວັນດຽວກັນ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຟ້າມບິ່ງມິງ ໄດ້ເຈລະຈາກັບລັດຖະມົນຕີການຕ່າງປະເທດ ນິວຊີແລນ. 2 ຝ່າຍໄດ້ເຫັນດີເປັນເອກະສັນໃນໄລຍະຈະມາເຖິງສືບຕໍ່ແລກປ່ຽນບັນດາຄະນະຜູ້ແທນຂັ້ນສູງ ແລະ ຂັ້ນຕ່າງໆ, ຈັດຕັ້ງບັນດາການເຄື່ອນໄຫວຕ່າງໆທີ່ແທດຈິງເພື່ອສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດ ຫວຽດນາມ - ນິວຢີແລນ ແລະ ຕັ້ງໜ້າຜັນຂະຫຍາຍໂຄງການເຄື່ອນໄຫວ ຫວຽດນາມ - ນິວຊີແລນ ໄລຍະ 2013 – 2016 ເພີ່ມທະວີການພົວພັນຄູ່ຮ່ວມມືຮອບດ້ານລະຫວ່າງ 2 ປະເທດ, ບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ, 2 ຝ່າຍຢືນຢັນສືບຕໍ່ສົມທົບກັນ ແລະ ສະໜັບສະໜູນກັນຢູ່ບັນດາເວທີປາໄສພາກພື້ນ ແລະ ສາກົນ.