ປະທານາທິບໍດີ Joe Biden ຍາດໄດ້ຈຳນວນບັດສະໜັບສະໜູນຂອງຜູ້ແທນຢ່າງພຽງພໍ ເພື່ອກາຍເປັນຜູ້ສະໝັກເລືອກຕັ້ງປະທານາທິບໍດີຂອງພັກປະຊາທິປະໄຕ
(VOVWORLD) - ທ່ານປະທານາທິບໍດີ ອາເມລິກາ ຄົນປັດຈຸບັນ Joe Biden ຍາດໄດ້ຈຳນວນບັດສະໜັບສະໜູນຂອງຜູ້ແທນຢ່າງພຽງພໍເພື່ອກາຍເປັນຜູ້ສະໝັກເລືອກຕັ້ງປະທານາທິບໍດີໃນປີນີ້ ຂອງພັກປະຊາທິປະໄຕ, ພາຍຫຼັງທີ່ຍາດໄດ້ໄຊຊະນະຢ່າງຂາດຂັ້ນໃນການເລືອກຕັ້ງເບື້ອງຕົ້ນຢູ່ລັດ Georgia ແລະ Mississinppi, ເຊິ່ງໄດ້ດຳເນີນໃນວັນທີ 12 ມີນາ.
 ທ່ານປະທານາທິບໍດີ ອາເມລິກາ ຄົນປັດຈຸບັນ Joe Biden (ພາບ: TTXVN) |
ເພື່ອກາຍເປັນຜູ້ສະໝັກເລືອກຕັ້ງປະທານາທິບໍດີ, ທ່ານ Joe Biden ຕ້ອງການໄດ້ຮັບບັດສະໜັບສະໜູນຈາກຜູ້ແທນ 1.968 ບັດ ໃນຈຳນວນທັງໝົດ 3.934 ບັດຂອງຜູ້ແທນ. ຕາມ Edison Research, ເຊິ່ງເປັນບໍລິສັດປະຕິບັດການສຳຫຼວດຫາງສຽງຄັ້ງຕ່າງໆ ແລະ ເກັບກຳໝາກຜົນການເລືອກຕັ້ງຢູ່ ອາເມລິກາ, ທ່ານ Joe Biden ໄດ້ຜ່ານຜ່າຄາດໝາຍດັ່ງກ່າວ ໃນຕອນຄ່ຳວັນທີ 12 ມີນາ. ຕາມນັ້ນແລ້ວ, ທ່ານຍາດໄດ້ຈຳນວນບັດສະໜັບສະໜູນຈາກຜູ້ແທນຢ່າງພຽງພໍເພື່ອຕາງໜ້າໃຫ້ພັກປະຊາທິປະໄຕໃນການເລືອກຕັ້ງປະທານາທິບໍດີ ອາເມລິກາ ໃນເດືອນພະຈິກ ຈະມາເຖິງ.
ໃນຂະນະນັ້ນ, ທ່ານອະດີດປະທານາທິບໍດີ Donald Trump ຄາດວ່າ ກໍຈະຍາດໄດ້ໄຊຊະນະໃນການເລືອກຕັ້ງເບື້ອງຕົ້ນຂອງພັກສາທາລະນະ ຢູ່ Georgia, ຫຍັບມໍ່ເຂົ້າໃກ້ກັບເລື່ອງກາຍເປັນຜູ້ສະໝັກເລືອກຕັ້ງປະທານາທິບໍດີຂອງພັກສາທາລະນະ ແລະ ຈະເຂົ້າຮ່ວມການແຂ່ງຂັນກັບທ່ານ Joe Biden ໃນການເລືອກຕັ້ງທີ່ຈະດຳເນີນໃນເດືອນພະຈິກນີ້.