(vovworld) - ວັນ​ທີ 09/03, ທ່ານ​ປະ​ທາ​ນາ​ທິ​ບໍ​ດີ​ລັດ​ເຊຍ Vladimir Putin ໄດ້​ມີ​ການ​​ເຈ​ລະ​ຈ​າ​ກັບ​ທ່ານ​ນາ​ຍົກ​ລັດ​ຖະ​ມົນ​ຕີ​ອິດ​ສະ​ຣາ​ແອນ Benjamin Netanyahu, ທີ່​ພວມ​ຢ້ຽມ​ຢາມ​ມົດ​ສະ​ກູ ຢ່າງ​ເປັນ​ທາງ​ການ. ຈຸດ​ສ​ຸມ​ຂອງ​ໂຄງ​ການ​ດຳ​ເນີນ​ງານ​ຂອງ​ການ​ໄປ​ປະ​ຕິ​ບັດ​ງານ​ແມ່ນ​ການ​ຕໍ່​ສູ້​ຕ້ານ​ການກໍ່​ການ​ຮ້າຍ, ສະ​ພາບ​ການ​ຢູ່​ຊີ​ຣີ ກໍ່​ຄື​ການ​ພົ​ວ​ພັນ​ຮ່ວມ​ມື 2 ຝ່າຍ. ກ່າວ​ຄຳ​ເຫັນ​ທີ່​ການ​ເຈ​ລະ​ຈາ, ທ່ານປະ​ທາ​ນາ​ທິ​ບໍ​ດີ Putin ໄດ້​ສະ​ແດງ​ຄວາມ​​ປິ​ຕິ​ຊົມ​ຊື່ນ​ຕໍ່​ການ​ພົວ​ພັນ​ລະ​ຫວ່າງ​ລັດ​ເຊຍ ແລະ ອິດ​ສະ​ຣາ​ແອນ ​ໄດ້​ຮັບ​ການ​ປັບ​ປຸງ ແລະ ພັດ​ທະ​ນາຢາງບໍ່​ຢ​ຸດຢັ້ງ. ຕາມ​ທ່ານ Putin ແລ້ວ, 2 ປະ​ເທດ​ໄດ້​ສ້າງ​ຕັ້ງ​ການ​ພົວ​ພັນຢ່າງ​ແໜ້ນ​ແຟ້ນ, ​ມີ​ຄວາມໄວ້​ເນື້ອ​ເຊື່ອ​ໃຈ ແລະ ແລກ​ປ່ຽນ​ຂໍ້​ມູນ​ຂ່​າວ​ສານ​ເປັນ​ປະ​ຈຳ ຜ່ານ​ການ​ໂອ​້​ລົມ​ທາງ​ໂທ​ລະ​ສັບ ກໍ​ຄື​ບັນ​ດາ​ການ​ພົບ​ປະ​ຂັ້ນ​ຕ່າງໆ.

        ສ່ວນ​ທ່ານ​ນາ​ຍົກ​ລັດ​ຖະ​ມົນ​ຕີ​ອິດ​ສະ​ຣາ​ແອນ Benjamin Netanyahu ​ທີ່​ເນັ້ນ​ໜ​ັກ​ເຖ​ິງ​ເລື່ອງ​ປັບ​ປຸງ​ການ​ພົວ​ພັນ​ລະ​ຫວ່າງ 2 ປະ​ເທດ​ໃນ​ຫຼາຍ​ຂົງ​ເຂ​ດ​ທີ່​ແຕກ​ຕ່າງ​ກັນ. ຕາມ​ທ່ານ Netanyahu ແລ້ວ, ຊາວ​ຢິວ ​ທີ່​ເວົ້າ​ພ​າ​ສາ​ລັດ​ເຊຍ ນັບ​ລ້ານ​ຄົນ ຈະ​ແມ່ນ​ຂົວເຊື່ອມ​ຕໍ່​ຕິດ​ພັນ​ລະ​ຫວ່າງ 2 ປະ​ເທດ. ຍິ່ງກວ່ານັ້ນ​, ລັດ​ເຊຍ ແລະ ອິດ​ສະ​ຣາ​ແອນ ພວມ​ມາ​ນະ​ພະ​ຍາ​ຍາມ​ໃນ​ບັ້ນຮົບ​ຕ້ານກໍ່​ການ​ຮ້າຍ​ສາ​ກົນ.