ການເຮັດວຽກລະຫວ່າງ 2 ຝ່າຍ

ວັນທີ 10 ກຸມພາ, ທ່ານປະທານາທິບໍດີ ສ. ເກົາຫຼີ Moon Jae – in ໄດ້ຕ້ອນຮັບບັນດາເຈົ້າໜ້າທີ່ຂັ້ນສູງ ສປປ ເກົາຫຼີ ໃນຄະນະຜູ້ແທນຂອງ ພຽງຢາງ ໄປຍັງ ສ. ເກົາຫຼີ ເພື່ອເຂົ້າຮ່ວມພິທີໄຂງານມະຫາກຳກິລາ Olympic ລະດູໜາວ Pyeong Chang 2018. ການພົບປະຄັ້ງປະຫຫວັດສາດທຳອິດໄດ້ຈັດຕັ້ງໃນເວລາ 11 ໂມງຕອນທ່ຽງ ຕາມເວລາທ້ອງຖິ່ນຢູ່ທຳນຽບປະທານາທິບໍດີ ສ. ເກົາຫຼີ ທີ່ນະຄອນຫຼວງ ເຊີອູນ.

        ບັນດາເຈົ້າໜ້າທີ່ ສປປ ເກົາຫຼີ ໄປຍັງ ສ. ເກົາຫຼີ ເມື່ອວັນທີ 9 ກຸມພາ ໃນຄະນະຜູ້ແທນລວມມີ 22 ຄົນໂດຍ ທ່ານ Kim Yong –nam, ປະທານຄະນະປະທານສະພາຜູ້ແທນປະຊາຊົນສູງສຸດ ສປປ ເກົາຫຼີ ນຳໜ້າ. ເຂົ້າຮ່ວມການພົບປະກັບທ່ານປະທານາທິບໍດີ ສ. ເກົາຫຼີ ຍັງມີເຈົ້າໜ້າທີ່ຂັ້ນສູງອື່ນອີກ 3 ທ່ານ ໃນຄະນະຜູ້ແທນຂອງ ສປປ ເກົາຫຼີ, ລວມມີທ່ານນາງ Kim Yo –jong, ນ້ອງສາວຂອງການນຳ ສປປ ເກົາຫຼີ Kim Jong – un; ທ່ານ Choe Hwi, ປະທານຄະນະກຳມະການຊີ້ນຳກິລາແຫ່ງຊາດ ສປປ ເກົາຫຼີ ແລະ ທ່ານ Ri Son – gwon, ປະທານຄະນະກຳມະການເອກະພາບສັນຕິພາບ ສປປ ເກົາຫຼີ.

        ກ່ອນໜ້ານັ້ນ, ໃນຕອນຄ່ຳວັນທີ 9 ກຸມພາ, ທ່່ານເລຂາທິການໃຫຍ່ ສປຊ Antonio Guterres ກໍ່ໄດ້ພົບປະກັບທ່ານ Kim Yong – nam, ປະທານຄະນະປະທານສະພາຜູ້ແທນປະຊາຊົນສູງສຸດ ສປປ ເກົາຫຼີ ແລະ ສະແດງຄວາມຫວັງສ້າງແຫຼມ ເກົາຫຼີ ປອດນິວເຄຼຍໂດຍສັນຕິວິທີ.