ທ່ານປະທານາທິບໍດີ Herzog ພວມເປັນຄົນກາງໄກ່ເກ່ຍໃຫ້ແກ່ການເຈລະຈາກ່ຽວກັບການປະຕິຮູບດ້ານຕຸລາການດັ່ງກ່າວ, ເຫດຜົນຕົ້ນຕໍແມ່ນຍ້ອນຂາດສະຖຽນລະພາບດ້ານການເມືອງ ແລະ ເກີດການແບ່ງແຍກໃນສັງຄົມ ຢູ່ ອິດສະຣາແອັນ, ພົ້ນເດັ່ນແມ່ນການແຫ່ຂະບວນປະທ້ວງເກີດຂຶ້ນໃນຫຼາຍເດືອນຜ່ານມາ ແລະ ຍັງບໍ່ທັນມີສັນຍານຫຼຸດລົງເທື່ອ. ກອ່ນໜ້ານັ້ນ, ວັນທີ 15 ພຶດສະພາ, ທ່ານລັດຖະມົນຕີກະຊວງຍຸຕິທຳ Yariv Levin, ຜູ້ຕາງໜ້າຂອງຝ່າຍຊຸກຍູ້ການປະຕິຮູບ, ໃຫ້ຮູ້ວ່າ ລັດຖະບານຈະມີການດັດປັບໂດຍໄວ, ແຕ່ບໍ່ຍົກໃຫ້ເຫັນແຈ້ງດ້ານເນື້ອໃນ.