ວັນທີ 13 ກໍລະກົດ, ແມ່ນມື້ທີສອງໃນການຢ້ຽມຢາມ ແລະ ເຮັດວຽກເປັນເວລາ 4 ວັນ

ຢູ່ ອັງກິດ, ທ່ານປະທານາທິບໍດີ ອາເມລິກາ Donald Trump ຢັ້ງຢືນວ່າ ການພົວພັນລະຫວ່າງທ່ານ ແລະ ທ່ານນາງນາຍົກລັດຖະມົນຕີ Theresa May “ໝັ້ນຄົງເຂັ້ມແຂງທີ່ສຸດ”.

          ກ່າວຄຳເຫັນກ່ອນທີ່ກ້າວເຂົ້າສູ່ການເຈລະຈາ 2 ຝ່າຍກັບທ່ານນາງ May ຢູ່ Chequers - ຕຶກອາຄານສະເພາະສຳລັບນາຍົກລັດຖະມົນຕີ ອັງກິດ, ທ່ານ Trump ຢັ້ງຢືນວ່າ 2 ຝ່າຍມີ “ການພົວພັນດີທີ່ສຸດ” ແລະ ການພົວພັນນີ້ພວມ “ໝັ້ນຄົງເຂັ້ມແຂງທີ່ສຸດ”. ທ່ານໃຫ້ຮູ້ວ່າ, 2 ຝ່າຍຈະປຶກສາຫາລືກ່ຽວກັບບັນຫາການຄ້າ ແລະ ການທະຫານໃນການເຈລະຈາ. ໃນຂະນະນັ້ນ, ທ່ານນາງ May ໃຫ້ຮູ້ວ່າ: ບັນດາການແລກປ່ຽນຈະສຸມໃສ່ເຂົ້າໃນການພົວພັນ ອັງກິດ - ອາເມລິກາ ແລະ ກາລະໂອກາດລົງນາມໃນຂໍ້ຕົກລົງການຄ້າ 2 ຝ່າຍ.

          ການເຈລະຈາລະຫວ່າງທ່ານປະທານາທິບໍດີ Trump ແລະ ທ່ານນາງນາຍົກລັດຖະມົນຕີ May ແມ່ນເຫດການສຳຄັນທີ່ສຸດໃນມື້ເຮັດວຽກທີ່ສອງຂອງທ່ານປະທານາທິບໍດີ ອາເມລິກາ ຢູ່ ອັງກິດ.