(vovworld) – ວັນທີ 7/10, ທ່ານປະທານາທິບໍດີ ຕວກກີ Recep Tayyip Erdogan ຖືວ່າ: ຕ້ອງຜັນຂະຫຍາຍກຳລັງທະຫານບົກ ສະກັດກັ້ນບັນດາມືປືນຂຶ້ນກັບອົງການ “ລັດອິດສະລາມ” (IS) ຂະໜານນາມເອງ ພາຍຫຼັງການກ່າວເຕືອນເທດສະບານເມືອງຊາຍແດນ Kobane ຂອງ ຊີຣີ ມີໄພຈະຕົກເຂົ້າສູ່ກຳມືຂອງກຳລັງນີ້. ທ່ານ Erdogan ຖືວ່າ: ບັນດາການບຸກໂຈມຕີທາງອາກາດໂດຍສຳພັນທະມິດດຳເນີນໄປເພື່ອໜູນຊ່ວຍບັນດາທະຫານຊາວ Kurdish ຕ້ານ IS ບໍ່ມີຄວາມສາມາດປົກປ້ອງເທດສະບານ Kobane. ທ່ານກໍ່ໃຫ້ຮູ້ວ່າ: ໄດ້ແລກປ່ຽນທັດສະນະນີ້ກັບບັນດາປະເທດຝ່າຍຕາເວັນຕົກໃນສຳພັນທະມິດຕ້ານ IS ໂດຍ ອາເມລິກາ ນຳໜ້າຢ່າງຈະແຈ້ງ.
ເທດສະບານ Kobane, ແມ່ນນະຄອນມີຊາວ Kurd ດຳລົງຊີວິດເປັນຈຳນວນຫຼາຍ, ໄດ້ກາຍເປັນຈຸດຮ້ອນເຮັ່ງເກີດການປະທະກັນໃນຕະຫຼອດ 2 ອາທິດຜ່ານມາເມື່ອບັນດາມືປືນ IS ຍູ້ແຮງບັນດາບັ້ນບຸກໂຈມຕີຢູ່ທີ່ນີ້. ບັນດາແຫຼ່ງຂ່າວໃຫ້ຮູ້ວ່າ: IS ໄດ້ຄວບຄຸມໝູ່ບ້ານນັບຮ້ອຍແຫ່ງ ແລະ ໄດ້ປິດລ້ອມ 3 ເຂດຊານນະຄອນໄປເຖິງເທດສະບານເມືອງແຫ່ງນີ້.