(vovworld) –  ​ໃນ​ການ​ໂອ້​ລົມ​ທາງ​ໂທລະສັບ​ເມື່ອ​ວັນ​ທີ 04/07 ກັບ​ຜູ້ຕາງໜ້າ​ຂັ້ນ​ສູງ​ຮັບຜິດຊອບ​ນະ​ໂຍບາຍ​ປ້ອງ​ກັນ​ຄວາ​ມະສະຫງົບ ​ແລະ ການພົວພັນ​ຕ່າງປະ​ເທດ​ຂອງ​ສະຫະພາບ​ເອີ​ລົບ (EU) ທ່ານ​ນາງ Catherine Ashton, ທ່ານ​ປະທານາທິບໍດີ​ຢູ​ແກຼນ Petro Poroshenko ​ໃຫ້​ຮູ້​ວ່າ ຝ່າຍຢູແກຼນ ​ໄດ້​ສະ​ເໜີ​ເວລາ ​ແລະ ສະຖານ​ທີ່​ຈັດ​ຕັ້ງ​ການ​ເຈລະຈາ​ຄັ້ງ​ຕໍ່​ໄປ​ຂອງ​ກຸ່ມ​ພົບ​ປະ​ແກ້​ໄຂ​ວິ​ກິດ​ການ ​ແລະ ພວມ​ລໍ​ຖ້າຄຳ​ຕອບ​ຂອງ​ບັນດາ​ຝ່າຍ​ທີ່​ເຂົ້າ​ຮ່ວມ.

        ຕາມ​ແຈ້ງ​ການ​ຂອງ​ອົງການ​​ສື່​ມວນ​ຊົນ​ຂອງປະທານາທິບໍດີຢູ​ແກຼນ, ທ່ານ Poroshenko ​ໃຫ້​ຄຳ​ໝັ້ນ​ສັນຍາ​ກັບ​ທ່ານ​ນາງ Ashton ວ່າ ​ເພື່ອ​ສືບ​ຕໍ່​ບັນດາ​ຂໍ້​ຕົກລົງ​ທີ່​ບັນລຸ​ໄດ້​ຢູ່ Berlin, ​ປະ​ເທດເຢຍລະ​ມັນ ລະຫວ່າງ​​ລັດຖະມົນຕີ​ການ​ຕ່າງ​ປະ​ເທດ​ລັດ​ເຊຍ, ຝລັ່ງ, ​ເຢຍລະ​ມັນ ​ແລະ ຢູ​ແກຼນ, ກີ​ແອບ ພ້ອມ​ແລ້ວ​ທີ​ຈະມີການ​ເຄື່ອນ​ໄຫວຕໍ່​ໄປ​ຂອງ​ກຸ່ມ​ພົບ​ປະ 3 ຝ່າຍ ລັດ​ເຊຍ - ຢູ​ແກຼນ ​ແລະ EU ​ເຊິ່ງຈັດ​ຂຶ້ນ​ໃນ​ວັນ​ທີ 05/07. ​ແຈ້ງ​ການ​ກໍ່​ຊີ້​ແຈ້ງວ່າ ທ່ານ​ນາງ Ashton ​ໄດ້​ຕາງໜ້າ 28 ປະ​ເທດ EU ສະ​ແດງ​ການ​ສະໜັບ​ສະ​ໜູນ​ບັນດາ​ການ​ເຄື່ອນ​ໄຫວ​ຂອງ​ທ່ານ​ປະທານາທິບໍດີ Poroshenko ​ເພື່ອຢຸດຕິ​ຄຳ​ສັ່ງ​ຢຸດ​ຍິງ.