(vovworld) – ​ເມື່ອ​ຕອບ​ສຳພາດ​ຊ່ອງ​ໂທລະພາບ Russia 1, ​ເນື່ອງ​ໃນ​ໂອກາດ​ວັນ “​ປ້ອງ​ກັນປະ​ເທດ​ຊາດ”, ​ໃນຕອນ​ຄໍ່າ​ວັນ​ທີ 23/02, ກ່ຽວ​ກັບ​ການ​ພົວພັນ​ກັບ​ຢູ​ແກຼນ, ບັນຫາ Crimea ​ແລະ ຂໍ້​ຕົກລົງ Minsk, ທ່ານ​ປະທານາທິບໍດີ​ລັດ​ເຊຍ Vladimir Putin ຖື​ວ່າ, ຍາກທີ່​ຈະ​ເກີດສົງຄາ​ມລະຫວ່າງ​ລັດ​ເຊຍ ​ແລະ ຢູ​ແກຼນ . ຄຳ​ວິຈານ​ກ່ຽວ​ກັບ​ຄຳ​ຖະ​ແຫຼ​ງ ​ທວງ​ເອົາ Crimea ຄືນ​ໃໝ່ຂອງ​ທ່ານ​ປະທານາທິບໍດີ​ຢູ​ແກຼນ Petro Poroshenko ກ່ອນນັ້ນ 1 ວັນ, ທ່ານ​ປະທານາທິບໍດີ​ລັດ​ເຊຍ ​ເວົ້າ​ວ່າ ຄຳ​ຖະ​ແຫຼ​ງດັ່ງກ່າວມີ​ລັກສະນະ​ແກ້​ແຄ້ນ ຫາກ​ບໍ່​ແມ່ນ​ເລື່ອງທວງ​ເອົາ​ບັນດາ​ເຂດ​ໃດ​ໜຶ່ງ​ຄືນ​ໃໝ່ໃນ​ຕົວ​ຈິງ. ທ່ານ​ຖື​ວ່າ, ກ່ອນ​ອື່ນ​ໝົດ​ການ​ນຳ​ຢູ​ແກຼນ ຕ້ອງ​ນຳ​ປະ​ເທດ​ກັບ​ຄືນ​ສູ່​ສະພາບ​ເປັນ​ປົກກະຕິ, ປັບປຸງ​ດ້ານ​ເສດຖະກິດ, ຊີວິດ​ສັງຄົມ… ຮັບປະກັນ​ບັນດາ​ສິດ ​ແລະ ຜົນ​ປະ​ໂຫຍ​ດຂອງ​ປະຊາຊົນ​ຢູ່ Donbass.