(vovworld) - ໃນຂອບເຂດການຢ້ຽມຢາມ Kenya ຢ່າງເປັນທາງການ, ວັນທີ 25/07, ທ່ານປະທານາທິບໍດີອາເມລິກາ Barack Obama ໄດ້ເປັນປະທານຮ່ວມກອງປະຊຸມຂັ້ນສູງວິສາຫະກິດທົ່ວໂລກ (GES) ທີ່ປຶກສາຫາລືກ່ຽວກັບການເພີ່ມທະວີບົດບາດຂອງບັນດາວິສາຫະກິດຢູ່ອາຟລິລາ. ນີ້ແມ່ນກອງປະຊຸມຄັ້ງທຳອິດໄດ້ຮັບການຈັດຕັ້ງຢູ່ເຂດພາກໃຕ້ Sahara. ລັດຖະບານອາເມລິກາ ຫວັງວ່າ, ກອງປະຊຸມ GES ປີນີ້ ຈະສາມາດດຶງດູດການລົງທຶນພາກເອກະຊົນກວ່າ 1 ຕື້ USD ໃນຮອບເວລາ 3 ປີຈະມາເຖິງ. ຕໍ່ຈາກນັ້ນ, ທ່ານປະທານາທິບໍດີ Obama ກໍດຳເນີນບັນດາການເຈລະຈາ 2 ຝ່າຍກັບວົງການເຈົ້າໜ້າທີ່ Kenya ກ່ຽວກັບດ້ານການຄ້າ, ການລົງທຶນ, ຕ້ານກໍ່ການຮ້າຍ ກໍຄືບັນດາບັນຫາອື່ນໆ.
ວົງການເຈົ້າໜ້າທີ່ Kenya ແລະ ອາເມລິກາ ລ້ວນແຕ່ຢືນຢັນວ່າ, ການຢ້ຽມຢາມຄັ້ງນີ້ຂອງທ່ານ Obama ມີບົດບາດສຳຄັນໃນການເຮັດໃຫ້ການພົວພັນ 2 ຝ່າຍເລິກເຊິ່ງຂຶ້ນຕື່ມ, ກໍຄືເພີ່ມທະວີການພົວພັນດ້ານການຄ້າ ແລະ ຄວາມສະຫງົບຢູ່ພາກພື້ນ.