ປາແລດສະຕິນຢຸດຕິຄວາມມານະພະຍາຍາມ ເຂົ້າເປັນສະມາຊິກບັນດາ ອົງການຂອງ ສປຊ ໂດຍຊົ່ວຄາວ
(vovworld)- ໃນການກະທຳສະແດງໃຫ້ເຫັນເຈດຕະນາດີ, ວັນທີ 7/4, ກະຊວງການຕ່າງປະເທດປາແລກສະຕິນ ປະກາດວ່າ: ການນຳປະເທດນີ້ ໄດ້ຕົກລົງຢຸດຕິຄວາມມານະພະຍາຍາມຂໍເຂົ້າເປັນສະມາຊິກບັນດາອົງການຂອງ ສປຊ ໃນເວລາ 2 ເດືອນເພື່ອສ້າງເງື່ອນໄຂໃຫ້ອາເມລິກາ ໃນການຟື້ນຟູການເຈລະຈາຄັ້ງຕ່າງໆກັບອິດສະຣາແອນ, ຊຸກຍູ້ວິວັດທະນາການສັນຕິພາບຢູ່ຕາເວັນອອກກາງ. ກ່າວຄຳເຫັນໃນທາງວິທະຍຸກະຈາຍສຽງປະຊາຊົນປາແລດສະຕິນ, ທ່ານລັດຖະທະມົນຕີການຕ່າງປະເທດ Riad Al Maliki ຊີ້ແຈ້ງວ່າ: ທ່ານລັດຖະມົນຕີການຕ່າງປະເທດ ອາເມລິກາ John Kerry ໄດ້ສະເໜີໃຫ້ສະຫງວນເວລາ 2 ເດືອນເພື່ອຊຸກຍູ້ວິວັດທະນາການສັນຕິພາບຢູ່ຕາເວັນອອກກາງ ແລະ ປາແລດສະຕິນ ໄດ້ຕົກລົງ. ແຕ່ຖ້າຫາກວ່າທ່ານ John Kerry ຖືກປະລາໄຊ, ປາແລດສະຕິນ ຈະເປີດສາກຄວາມມານະພະຍາຍາມຄືນໃໝ່ ເພື່ອແນໃສ່ບັນລຸຈຸດໝາຍເຂົ້າເປັນສະມາຊິກບັນດາອົງການສາກົນໃຫ້ໄດ້.