ເຂດຕັ້ງຖິ່ນຖານ Maale Adumim ຂອງອິດສະລາແອັນຢູ່ຝັ່ງຕາເວັນຕົກ ໃນວັນທີ 25 ກຸມພາ 2020 (ພາບ: AFP/TTXVN)

ກ່າວຄຳເຫັນທີ່ ໂທລະພາບ ລັດເຊຍ ຊ່ອງ24, ທ່ານ Abdel Hafez Nofal ໃຫ້ຮູ້ວ່າ ປາແລັດສະຕິນຍັງມີຄວາມໄວ້ວາງໃຈຕໍ່ບົດບາດຂອງລັດເຊຍໃນກຸ່ມ 4 ປະເທດ (ຕາເວັນອອກກາງ). ບັນຫາຍັງຄົງຄ້າງໃນປັດຈຸບັນແມ່ນ ອາເມລິກາ ພວມພະຍາຍາມຈັດວາງແຜນການ, ການກະທຳແບບພຽງລຳຟັງຝ່າຍດຽວ ເຊິ່ງບໍ່ໄດ້ຮັບການສະໜັບສະໜູນໃດໆຈາກສາກົນ. ທ່ານ Abdel Hafez Nofal ຖືວິທີການແກ້ໄຂລະຫວ່າງສອງປະເທດແມ່ນວິທີການດີທີ່ສຸດເພື່ອບັນລຸໄດ້ເປົ້າໝາຍ ແລະ ຢ້ຳຄືນວ່າ ມີ 140 ປະເທດໃນທົ່ວໂລກສະໜັບສະໜູນວິທີການແກ້ໄຂດັ່ງກ່າວ.

        ກ່ອນໜ້ານັ້ນ, ໃນວັນທີ 19 ພຶດສະພາ, ທ່ານ Mahmoud Abbas ປະທານາທິບໍດີ ປາແລັດສະຕິນ ໄດ້ປະກາດ ຍົກເລີກບັນດາຂໍ້ຕົກລົງທັງໝົດກັບອິດສະລາແອັນ ແລະ ອາເມລິກາພາຍຫຼັງທ່ານ Benjamin Netanyahu ນາຍົກລັດຖະມົນຕີ ອິດສະລາແອັນປະກາດຈະໂຮມ ດິນສ່ວນໜຶ່ງຢູ່ເຂດຝັ່ງຕາເວັນຕົກ ຕາມແຜນການສ້າງສັນຕິພາບຢູ່ຕາເວັນອອກກາງ ໂດຍທ່ານ Donald Trump ປະທານາທິບໍດີ ອາເມລິກາປະກາດເມື່ອກ່ອນນັ້ນ.