(vovworld) - ວັນທີ 14/04, ຢູ່ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຈັດກອງປະຊຸມ “ປ່ຽນໃໝ່ການຈັດຕັ້ງ ແລະ ການເຄື່ອນໄຫວຂອງອົງການສະເພາະກິດຄະນະກຳມະການແນວໂຮມປະເທດຊາດຫວຽດນາມ ແລະ ບັນດາອົງການຈັດຕັ້ງການເມືອງ - ສັງຄົມຢູ່ຂັ້ນເມືອງໃນໄລຍະປະຈຸບັນ”. ເຂົ້າຮ່ວມກອງປະຊຸມມີທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ, ຜູ້ຕາງໜ້າການນຳບັນດາອົງການຈັດຕັ້ງການເມືອງ, ສັງຄົມ, ຜູ້ຕາງໜ້າຄະນະກຳມະການແນວໂຮມປະເທດຊາດຫວຽດນາມ ກວ່າ 20 ບ້ານ, ເມືອງ, ແຂວງ, ນະຄອນໃນທົ່ວປະເທດ. ທີ່ກອງປະຊຸມ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ຢືນຢັນວ່າ, ໃນໄລຍະຈະມາເຖິງ, ຕ້ອງເພີ່ມກຳລັງແຮງຂອງອົງການຈັດຕັ້ງ, ການເຄື່ອນໄຫວຂອງແນວໂຮມປະເທດຊາດ ໂດຍຜ່ານການເສີມຂະຫຍາຍບົດບາດການເຈລະຈາຂອງແນວໂຮມປະເທດຊາດກັບບັນດາອົງການຈັດຕັ້ງສະມາຊິກ ແຕ່ຍັງຄົງຮັກສາລັກສະນະເປັນເອກະລາດ, ເປັນເຈົ້າຕົນເອງຂອງແຕ່ລະອົງການຈັດຕັ້ງ.