(VOVWORLD) - ຕອນເຊົ້າວັນທີ 4/5, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນຊວນຟຸກ ເປັນປະທານວາລະປະຊຸມສະໄໝສາມັນປະຈຳເດືອນ 4.
 ກອງປະຊຸມສະໄໝສາມັນຂອງລັດຖະບານ |
ກ່າວຄຳເຫັນໄຂວາລະປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຊົມເຊີຍປະສິດທິຜົນຂອງການເຄື່ອນໄຫວຜະລິດ, ດຳເນີນທຸລະກິດຂອງບັນດາທ້ອງຖິ່ນ ແລະ ວິສາຫະກິດໃນໄລຍະຜ່ານມາ. ກອງປະຊຸມສົ່ງເສີມການລົງທຶນຢູ່ບັນດາແຂວງ, ນະຄອນທີ່ໄດ້ດຶງດູດນັກລົງທຶນພາຍໃນ ແລະ ຕ່າງປະເທດເປັນຈຳນວນຫຼວງຫຼາຍ, ວຽກງານສົ່ງເສີມການລົງທຶນແທດຈິງ ແລະ ກ້າວເຂົ້າສູ່ລວງເລິກ. ໄປຄຽງຄູ່ກັນນັ້ນ, ທ່ານນາຍົກລັດຖະມົນຕີ ກໍ່ໄດ້ຊີ້ແຈ້ງຈຸດພົ້ນເດັ່ນຢ່າງຕັ້ງໜ້າໃນເດືອນ 4, ນັ້ນແມ່ນ: ເສດຖະກິດມະຫາພາກເປັນປົກກະຕິ, ດັດຊະນີລາຄາໃຊ້ສອຍບໍ່ເພີ່ມຂຶ້ນ, ການເຕີບໂຕບັນດາຂະແໜງເສດຖະກິດສືບໄດ້ຮັບການຟື້ນຟູ, ສິນເຊື່ອເພີ່ມຂຶ້ນສູງສຸດໃນ 6 ເດືອນມໍ່ໆມານີ້, ການສົ່ງອອກສືບຕໍ່ເພີ່ມຂຶ້ນຢ່າງແຮງ; ທຶນ FDI ຈົດທະບຽນໃໝ່, ການປະກອບຫຸ້ນສ່ວນ ແລະ ຈົດທະບຽນເພີ່ມເຕີມເພີ່ມຂຶ້ນສູງ, ບັນລຸ 10,6 ຕື້ USD, ການສ້າງຕັ້ງວິສາຫະກິດໃໝ່ບັນລຸໝາກຜົນຢ່າງຕັ້ງໜ້າດ້ວຍເກືອບ 40.000 ວິສາຫະກິດຈົດທະບຽບໃໝ່, ຍອດທຶນຈົດທະບຽນໃໝ່ ແລະ ເພີ່ມເຕີມແມ່ນ 825.000 ຕື້ດົ່ງ.
ທີ່ວາລະປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຊີ້ນຳບັນດາອົງການ, ຄະນະ, ຂະແໜງການຄວນມານະພະຍາຍາມກ່ວາອີກ ໃນການປະຕິບັດບັນດາມາດຕະການກ່ຽວກັບຝ່າຍສະໜອງ (ການເຕີບໂຕຂະແໜງ, ຂົງເຂດ) ແລະ ຝ່າຍຕ້ອງການ (ການໃຊ້ສອຍ, ການລົງທຶນ, ການສົ່ງອອກ) ເພື່ອບັນລຸຄາດໝາຍການເຕີບໂຕໃນປີ 2017 ແມ່ນ 6,7%.