(vovworld) – ວັນທີ 21/8, ຢູ່ນະຄອນ ເຫ້ວ, ຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານຕາບອດ, ໂຮງໝໍຕາສູນກາງໄດ້ຈັດຕັ້ງກອງປະຊຸມສຳມະນາສ້າງແຜນການແຫ່ງຊາດກ່ຽວກັບການປ້ອງກັນ, ຕ້ານຕາບອດໄລຍະ 2014 – 2018 ແລະ ແນະນຳການດູແລຕາ ຢູ່ຂັ້ນເມືອງໃນເຂດພາກກາງ - ໄຕງວຽນ. ນີ້ແມ່ນການເຄື່ອນໄຫວເພື່ອປະຕິບັດຄຳໝັ້ນສັນຍາສະໜັບສະໜູນຂໍ້ລິເລີ່ມທົ່ວໂລກຂອງ ຫວຽດນາມ ກັບອົງການອະນາໄມໂລກ ກ່ຽວກັບໂຄງການ “ຈັກຂຸສຳພັດ 2020”. ກອງປະຊຸມສຳມະນາໄດ້ສຸມໃສ່, ສ້າງລາຍການ ແລະ ແຜນການເຄື່ອນໄຫວລະອຽດໃຫ້ບັນດາແຂວງ, ນະຄອນໃນເຂດ, ເປັນພື້ນຖານໃຫ້ແກ່ການສ້າງແຜນການແຫ່ງຊາດກ່ຽວກັບການປ້ອງກັນ, ຕ້ານຕາບອດ. ທ່ານຮອງສາດສະດາຈານ, ດຣ ຫວຽນຕ໋ຽນຢູງ, ເລຂາຄະນະກຳມະການແຫ່ງຊາດກ່ຽວກັບການປ້ອງກັນ, ຕ້ານຕາບອດ ຂອງກະຊວງສາທາລະນະສຸກ, ໃຫ້ຮູ້ວ່າ:
“ໃນຊຸມປີຜ່ານມາ, ໂດຍໄດ້ຮັບການສະໜັບສະໜູນຢ່າງແຮງຈາກກະຊວງສາທາລະນະສຸກ ກໍ່ຄືຂອງລັດຖະບານ, ພິເສດແມ່ນໄດ້ຮັບການຊ່ວຍເຫຼືອຢ່າງມີປະສິດທິຜົນຂອງບັນດາອົງການສາກົນດ້ວຍຈຳນວນເງິນໜູນຊ່ວຍປະມານ 3 ລ້ານ USD/ ປີ, ແຕ່ລະປີ, ຂະແໜງຕາ ໄດ້ນຳມາເຊິ່ງແສງສະຫວ່າງໃຫ້ຄົນຕາບອດ 170.000 ຄົນ. ນອກຈາກນັ້ນແລ້ວ, ຂະແໜງຍັງສະໜອງແວ່ນຕາໃຫ້ເດັກນ້ອຍນັບຮ້ອຍຄົນ.”