ຜັນຂະຫຍາຍໂຄງການຈຸດໝາຍພັດທະນາປ່າໄມ້ແບບຍືນຍົງ
ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ເຂົ້າຮ່ວມກອງປະຊຸມ
(ພາບ: VGP)
(vovworld) - ວັນທີ 17/3, ຢູ່ແຂວງ ເງ້ອານ, ກະຊວງ ກະສິກຳ ແລະ ພັດທະນາຊົນນະບົດ ຈັດຕັ້ງກອງປະຊຸມສະຫຼຸບແຜນການປົກປັກຮັກສາ ແລະ ພັດທະນາປ່າໄລຍະ 2011 – 2016 ຕິດພັນກັບການສ້າງໂຄງປະກອບຂະແໜງປ່າໄມ້ຄືນໃໝ່, ຜັນຂະຫຍາຍໂຄງການຈຸດໝາຍພັດທະນາປ່າໄມ້ແບບຍືນຍົງໄລຍະ 2016-2020. ກ່າວຄວາມເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ຮັບຮອງບັນດາຜົນງານເຊິ່ງຂະແໜງປ່າໄມ້ບັນລຸໄດ້ໃນໄລຍະຜ່ານມາ, ເນັ້ນໜັກເຖິງຄວາມສຳຄັນຂອງວຽກງານປົກປັກຮັກສາ ແລະ ພັດທະນາປ່າ. ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ຊີ້ແຈ້ງບັນດາສິ່ງທີ່ຈຳກັດ, ຄົງຄ້າງ ແລະ ສະເໜີຂະແໜງປ່າໄມ້ພ້ອມກັບທ້ອງຖີ່ນຕ່າງໆປະຕິບັດບັນດາມາດຕະການໃຫ້ດີ, ເພື່ອສຳເລັດບັນດາໂຄງການຈຸດໝາຍພັດທະນາປ່າໄມ້ແບບຍືນຍົງໄລຍະ 2016-2020. ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ກໍ່ສະເໜີກະຊວງກະສິກຳ ແລະ ພັດທະນາຊົນນະບົດ, ບັນດາກະຊວງ, ຂະແໜງການທີ່ກ່ຽວຂ້ອງ ແລະ ຄະນະກຳມະການປະຊາຊົນແຂວງຕ່າງໆຄວນເພີ່ມ ທະວີການຄຸ້ມຄອງແຜນກຳນົດປ່າ ແລະ ທີ່ດິນປ່າໄມ້; ປະຕິບັດການລະດົມບັນດາແຫຼ່ງທຶນໃນທົ່ວສັງຄົມ, ແລະ ເປັນຫຼາຍຮູບຫຼາຍແບບ ເພື່ອແນໃສ່ ຜັນຂະຫຍາຍໂຄງການຈຸດໝາຍພັດທະນາປ່າໄມ້ແບບຍືນຍົງ.