ໂດຍສືບຕໍ່ລາຍການເຮັດວຽກຂອງກອງປະຊຸມສະໄໝສາມັນເທື່ອທີ 5 ສະພາແຫ່ງຊາດຊຸດທີ 14, ຕອນເຊົ້າວັນທີ 22 ພຶດສະພາ, ສະພາແຫ່ງຊາດໄດ້ປຶກສາຫາລືຕາມໜ່ວຍກ່ຽວກັບການຕີລາຄາເພີ່ມເຕີມໝາກຜົນແຫ່ງການປະຕິບັດແຜນການພັດທະນາເສດຖະກິດ - ສັງຄົມ ແລະ ງົບປະມານແຫ່ງລັດ 2017; ສະພາບການປະຕິບັດແຜນການພັດທະນາເສດຖະກິດ - ສັງຄົມ ແລະ ງົບປະມານແຫ່ງລັດໃນຊຸມເດືອນຕົ້ນປີ 2018 (ໃນນັ້ນມີການສົມທົບກັນປຶກສາຫາລື ບົດລາຍການກ່ຽວກັບໝາກຜົນການປະຕິບັດການປະຢັດ, ຕ້ານການຟຸມເຟືອຍ ປີ 2017) ແລະ ແຜນງົບປະມານແຫ່ງລັດປີ 2016.

        ເມື່ອປຶກສາຫາລືກ່ຽວກັບໝາກຜົນແຫ່ງການປະຕິບັດແຜນການພັດທະນາເສດຖະກິດ ສັງຄົມ ປີ 2017 ແລະ ຊຸມເດືອນຕົ້ນປີ 2018, ທ່ານນາງ ມາຍທິເຟືອງຮວາ, ກຳມະການຜູ້ປະຈຳການກຳມາທິການຍຸຕິທຳຂອງສະພາແຫ່ງຊາດ, ຄະນະສະມາຊິກສະພາແຫ່ງຊາດຊາດແຂວງ ນາມດິ້ງ, ແບ່ງປັນວ່າ: ຜູ້ມີສິດເລືອກຕັ້ງ ແລະ ປະຊາຊົນໃນທົ່ວປະເທດມີຄວາມປະທັບໃຈຕໍ່ບັນດາໝາກຜົນບັນລຸໄດ້ກ່ຽວກັບດ້ານເສດຖະກິດ. ນີ້ແມ່ນຈຸດທີ່ເປັນໜ້າສົນໃຈ, ສະແດງໃຫ້ເຫັນຄວາມມານະພະຍາຍາມຂອງລັດຖະບານໃນວຽກງານບໍລິຫານ:

        “ໃນວຽກງານກວດກາ, ລັດຖະບານໄດ້ເປັນເຈົ້າການໃນການຊີ້ນຳຢ່າງຂ້ຽວຂາດ, ລະອຽດຄືບັນດາເຫດການໄດ້ຮັບຄວາມສົນໃຈຈາກຫາງສຽງສັງຄົມ, ພິເສດແມ່ນບັນດາເຫດການສັບສົນ, ເກີດຂຶ້ນໃນໄລຍະຜ່ານມາ, ເຊິ່ງລັດຖະບານໄດ້ຊີ້ນຳຢ່າງຂ້ຽວຂາດເພື່ອເປີດເຜີຍ, ປະກາດການສະຫລຸບຂອງການກວດກາຢ່າງກ້ວາງຂວາງໃນບັນດາພາຫະນະສື່ມວນຊົນ.”

        ສ່ວນທ່ານ ຈິງງອັກເຟືອງ, ສະມາຊິກສະພາແຫ່ງຊາດແຂວງ ໄຕນິງ, ຖືວ່າ:

        “ນັບແຕ່ນີ້ຮອດທ້າຍປີ, ຂ້າພະເຈົ້າຖືວ່າ: ເພື່ອບັນລຸຄາດໝາຍການເຕີບໂຕນັ້ນ, ຄວາມຫຍຸ້ງຍາກທີ່ສຸດແມ່ນກົນໄກ, ຍ້ອນກົນໄກຍັງມີການຊ້ຳຊ້ອນກັນລະຫວ່າງກະຊວງ, ຂະແໜງການ. ພວກເຮົາຕ້ອງພິຈາລະນາສະຕິຄວາມຮັບຮູ້ຂອງພວກເຮົາສຳລັບບັນດານັກລົງທຶນ, ພວກເຮົາໄດ້ມີຄວາມເປີດເຜີຍຫຼືບໍ່?... ພວກເຮົາຕ້ອງສ້າງກົນໄກ ແລະ ຕ້ອງມີກົນໄກສະດວກ, ເປັນເອກະພາບນຳກັນ, ກັບນັກລົງທຶນ.”