ຜູ້ມີສິດເລືອກຕັ້ງອີຢີບເລີ່ມຕົ້ນການປ່ອນບັດກ່ຽວກັບລັດຖະທຳມະນູນສະບັບໃຫມ່
ຜູ້ມີສິດເລືອກຕັ້ງກວ່າ 52,7 ລ້ານຄົນໄດ້ຈົດທະບຽນໄປປ່ອນບັດ
|
vovworld)- ຮຸ່ງເຊົ້າວັນທີ 14/1, ປະຊາຊົນ ອີຢີບ ໄດ້ເຕົ້າໂຮມກັນຢູ່ບັນດາສະຖານທີ່ປ່ອນບັດ. ການກະທຳດັ່ງກ່າວສະແດງໃຫ້ເຫັນຄວາມສົນໃຈຂອງປະຊາຊົນ ອີຢີບ ເຖິງສະພາບການການເມືອງພາຍໃນປະເທດກໍຄືຄວາມມຸ່ງຫວັງອັນໃຫຍ່ຫລວງຂອງເຂົາເຈົ້າແມ່ນຫລຸດພົ້ນອອກຈາກວິກິດການທີ່ຮ້າຍແຮງ ແລະ ສະພາບຄວາມຂາດສະຖຽນລະພາບທີ່ແກ່ຍາວໃນຕະຫລອດ 3 ປີຜ່ານມາ. ຕາມຄະນະກຳມະການເລືອກຕັ້ງສູນກາງອີຢີບແລ້ວ, ຜູ້ມີສິດເລືອກຕັ້ງກວ່າ 52,7 ລ້ານຄົນໄດ້ຈົດທະບຽນໄປປ່ອນບັດ. ມີສະຖານທີ່ປ່ອນບັດກວ່າ 30.300 ບ່ອນໃນທົ່ວປະເທດໄດ້ເປີດປະຕູນັບແຕ່ 9 ໂມງເຊົ້າຮອດ 9 ໂມງຄຳ່ໃນວັນທີ 14-15/1. ມີຜູ້ພິພາກສາຢ່າງຫນ້ອຍສຸດ 14.000 ທ່ານ, ນັກສັງເກດການເກືອບ 7.000 ທ່ານມາຈາກ 59 ອົງການບໍ່ຂຶ້ນກັບລັດຖະບານຢູ່ພາຍໃນ ແລະ ຕ່າງປະເທດ ພ້ອມກັບ ອົງການສາກົນ 7 ແຫ່ງຄື: ສະຫະພັນ ອາຣັບ ແລະ ສະຫະພາບເອີລົບ ເຂົ້າຮ່ວມການຕິດຕາມກວດກາວິວັດການປ່ອນບັດ.
ບັນດາເຈົ້າຫນ້າທີ່ ອີຢີບ ໄດ້ຜັນຂະຫຍາຍບັ້ນຮົບປ້ອງກັນຄວາມສະຫງົບປອດໄພຄັ້ງໃຫຍ່ທີ່ບໍ່ເຄີຍມີມາກ່ອນເພື່ອປົກປັກຮັກສາບັນດາສະຖານທີ່ປ່ອນບັດ ແລະ ຜູ້ມີສິດເລືອກຕັ້ງ ຕໍ່ໄພອາດຈະເກີດການບຸກໂຈມຕີຂອງບັນດາກຳລັງຊາວມຸດສະລິມຫົວຮຸນແຮງກໍຄືບັນດາການເຄື່ອນໄຫວແຫ່ຂະບວນປະທ້ວງກໍ່ຄວາມວຸນວາຍຂອງຝ່າຍອິດສະລາມທີ່ສະຫນັບສະຫນູນ ທ່ານ Mosri.