ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ສະເໜີບົດລາຍງານຕໍ່ໜ້າສະພາແຫ່ງຊາດ |
(vovworld)- ທີ່ວາລະໄຂກອງປະຊຸມສະໄໝສາມັນເທື່ອທີ 9 ສະພາແຫ່ງຊາດຫວຽດນາມຊຸດທີ 13 ເມື່ອຕອນເຊົ້າວັນທີ 20/5 ຢູ່ຮ່າໂນ້ຍ, ບົດລາຍງານຕີລາຄາເພີ່ມເຕີມໝາກຜົນແຫ່ງການພັດທະນາເສດຖະກິດ-ສັງຄົມປີ 2014 ແລະ ຜັນຂະຫຍາຍໜ້າທີ່ໃນຊຸມເດືອນຕົ້ນປີ 2015 ຂອງລັດຖະບານໂດຍທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ສະເໜີ ໄດ້ຮັບຄວາມສັນໃຈຈາກຜູ້ມີສິດເລືອກຕັ້ງໃນທົ່ວປະເທດ. ລຸງ ຫງວຽນວັນກາຍ ຢູ່ ເມືອງ ກູຈີ ນະຄອນໂຮ່ຈິມິນ ຖືວ່າ :
“ ບົດລາຍງານຂອງລັດຖະບານຕໍ່ໜ້າສະພາແຫ່ງຊາດແມ່ນຄົບຖ້ວນພໍສົມຄວນ, ຊຶ່ງໄດ້ເພີ່ມເຕີມຫຼາຍຂໍ້ມູນຂ່າວສານທີ່ສຳຄັນ ຊ່ວຍໃຫ້ຜູ້ມີສິດເລືອກຕັ້ງໃນທົ່ວປະເທດກຳແໜ້ນສະພາບການເສດຖະກິດ-ສົງຄົມຂອງປະເທດຊາດໃນປີຜ່ານມາ. ຂ້າພະເຈົ້າປາດຖະໜາວ່າ ໃນຊຸມເດືອນທີ່ຍັງເຫຼືອຂອງປີ 2015 ແລະ ຕົ້ນປີ 2016, ລັດຖະບານຈະເພີ່ມທະວີການບໍລິຫານເພື່ອມີວິທີແກ້ໄຂແບບບຸກທະລຸ ເພື່ອຊ່ວຍສະພາບເສດຖະກິດ-ສັງຄົມຂອງປະເທດຊາດໃຫ້ນັບນັບດີກວ່າ ”
ສ່ວນທ່ານ ວູ້ແອງຕ້ວນ, ເລຂາທິການໃຫຍ່ສະມາຄົມຄອມພິວເຕີ ນະຄອນໂຮ່ຈິມິນ ຫວັງວ່າ :
“ ປີນີ້, ພື້ນຖານເສດຖະກິດໄດ້ດີຂຶ້ນ ຊຶ່ງສະແດງອອກຜ່ານລະດັບການເຕີບໂຕເສດຖະກິດໃນໄຕມາດທີ 1, ຜ່ານສະໄໝປະຊຸມຄັ້ງນີ້, ພວກຂ້າພະເຈົ້າປາດຖະໜາວ່າ ສະພາແຫ່ງຊາດຈະມີລັດຖະນະໂຍບາຍຫຼາຍກວ່າເພື່ອຊຸກຍູ້ເສດຖະກິດພັດທະນາ, ປັບປຸງການຜະລິດ, ດຳເນີນທຸລະກິດຂອງວິສາຫະກິດ ”