ຜູ້ມີອຳນາດເຕັມແຫ່ງ ການາດາ ທ່ານນາງ Mary Simon ຕ້ອນຮັບທ່ານເອກອັກຄະລັດຖະທູດ ຫວຽດນາມ ປະຈຳ Ottawa ຟ້າມກາວຟອງ (ພາບ: TTXVN)

        ວັນທີ 25 ພຶດສະພາ, ຜູ້ມີອຳນາດເຕັມແຫ່ງ ການາດາ ທ່ານນາງ Mary Simon ໄດ້ຕ້ອນຮັບທ່ານເອກອັກຄະລັດຖະທູດ ຫວຽດນາມ ປະຈຳ Ottawa ຟ້າມກາວຟອງ ເຂົ້າຢ້ຽມອຳລາ ກ່ອນທີ່ຈະສິ້ນສຸດອາຍຸການປະຕິບັດງານ. ທ່ານນາງ Mary Simon ສະແດງຄວາມປິຕິຊົມຊື່ນຕໍ່ການພັດທະນາໃນການພົວພັນລະຫວ່າງ ຫວຽດນາມ ແລະ ການາດາ ໃນໄລຍະຜ່ານມາ, ຖືວ່າ ການພົວພັນດ້ານການຄ້າ ແລະ ເສດຖະກິດ 2 ຝ່າຍຍັງພັດທະນາເປັນຢ່າງດີ, ໂດຍບໍ່ຫົວຊາຕໍ່ຜົນກະທົບຈາກໂລກລະບາດໂຄວິດ-19. ທີ່ການຕ້ອນຮັບ, ທ່ານເອກອັກຄະລັດຖະທູດ ຟ້າມກາວຟອງ ໄດ້ສະແດງ ຄວາມຫວັງວ່າ ການພົວພັນຮ່ວມມືຮອບດ້ານລະຫວ່າງ ຫວຽດນາມ ແລະ ການາດາ ຈະສືບຕໍ່ພັດທະນາຫຼາຍກວ່າອີກໃນໄລຍະຈະມາເຖິງ ແລະ ບັນດາວິສາຫະກິດຂອງ ການາດາ ຈະສືບຕໍ່ເພີ່ມທະວີການລົງທຶນເຂົ້າ ຫວຽດນາມ.