ທ່ານ Takeshi Kasai, ຜູ້ອຳນວຍການພາກພື້ນປາຊີຟິກຕາເວັນຕົກຂອງອົງການອະນາໄມໂລກ (WHO) ແລະ ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ (ພາບ: VGP)

  ວັນທີ 11 ມັງກອນ, ໃນການພົບປະເຮັດວຽກກັບທ່ານ Takeshi Kasai, ຜູ້ອຳນວຍການພາກພື້ນປາຊີຟິກຕາເວັນຕົກຂອງອົງການອະນາໄມໂລກ (WHO), ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ຢັ້ງຢືນວ່າ ຫວຽດນາມຖືເປັນສຳຄັນທີ່ສຸດຕໍ່ການພົວພັນຮ່ວມມືກັບ WHO; ທ່ານຂອບໃຈ WHO, ຫ້ອງການພາກພື້ນ ປາຊີຟິກຕາເວັນຕົກ, ຫ້ອງການ WHO ປະຈຳ ຫວຽດນາມ ແລະ ທ່ານ Takeshi Kasai ໄດ້ໜູນຊ່ວຍຢ່າງສຳຄັນໃຫ້ແກ່ການພັດທະນາຂອງຂະແໜງການສາທາລະນະສຸກ, ພິເສດແມ່ນໜຸນຊ່ວຍ ຫວຽດນາມ ຮັບມືກັບໂລກລະບາດໂຄວິດ - 19, ໄດ້ເຂົ້າເຖິງບັນດາແຫຼ່ງວັກຊິນ, ເຄື່ອງອຸປະກອນການແພດໃນສະພາບການຫຍຸ້ງຍາກ.

        ທ່ານນາຍົກລັດຖະມົນຕີ ຫວຽດນາມ ສະເໜີໃຫ້ WHO ແລະ ທ່ານ Takeshi Kasai ໃນນາມສ່ວນຕົວສືບຕໍ່ໜູນຊ່ວຍ ຫວຽດນາມ ດ້ານວັກຊິນ, ຢາປິນປົວ, ໂດຍສະເພາະແມ່ນໃນການຄົ້ນຄ້ວາ. ຜະລິດ ແລະ ບັນດາລະບຽບການຮັບຮອງເອົາວັກຊິນພາຍໃນປະເທດເພື່ອໃຫ້ ຫວຽດນາມ ສາມາດເປັນເຈົ້າຕົນເອງໃນການສະໜອງວັກຊິນໂດຍໄວ; ໜູນຊ່ວຍການຍົກລະດັບຄວາມສາມາດຂອງລະບົບສາທາລະນະສຸກ; ສືບຕໍ່ແບ່ງປັນຂໍ້ມູນຂ່າວສານ, ຕີລາຄາສະພາບການໂລກລະບາດຢ່າງທັນການ ແລະ ບັນດາບົດຮຽນ, ຄຳກ່າວເຕື່ອນໃນການສັກວັກຊິນ.

        ສ່ວນທ່ານ Takeshi Kasai ໄດ້ຕີລາຄາສູງຕໍ່ວິໄສທັດຂອງ ຫວຽດນາມ ກ່ຽວກັບການຮັກສາສຸຂະພາບ, ຊິວິອີນຊີຂອງປະຊາຊົນ, ການຊີ້ນຳ, ນຳພາຂອງລັດຖະບານ ຫວຽດນາມ ແລະ ບັນດາໝາກຜົນທີ່ບັນລຸໄດ້ໃນວຽກງານປ້ອງກັນ, ຕ້ານໂລກລະບາດໂຄວິດ - 19, ພິເສດແມ່ນບັນຫາວັກຊິນ, ເພື່ອຜັນຂະຫຍາຍບັ້ນສັກວັກຊິນຢ່າງຂ້ຽວຂາດ ແລະ ບັນລຸອັດຕາການສັກວັກຊິນສູງທິ່ສຸດ.