(VOVWORLD) - ວັນທີ 15 ສິງຫາ, ຄະນະປະຕິບັດງານຂອງວິທະຍຸກະຈາຍສຽງ ຫວຽດນາມ ໂດຍທ່ານ ໂດຕຽນຊີ ຜູ້ອຳນວຍການໃຫຍ່ ເປັນຫົວໜ້າຄະນະ, ໄດ້ເຮັດວຽກກັບສູນບຳລຸງສ້າງ RNTC ຢູ່ Amsterdam, ປະເທດໂຮນລັງ.
 ການເຮັດວຽກລະຫວ່າງສອງຝ່າຍ (ພາບ: VOV) |
ນີ້ແມ່ນສູນບຳລຸງສ້າງທີ່ມີຊື່ສຽງໃນທົ່ວໂລກຂອງໂຮນລັງ, ຂຶ້ນກັບອົງການສື່ມວນຊົນ RNW ໂຮນລັງ, ເຊິ່ງແມ່ນອົງການສະໜອງບັນດາຫຼັກສູດບຳລຸງສ້າງ ແລະ ຝືກອົບຮົມກ່ຽວກັບການສື່ສານ, ສື່ມວນຊົນ ແລະ ຊຸກຍູ້ຄວາມສາມາດໃນການສ້າງບັນດາການປ່ຽນແປງຢ່າງຕັ້ງໜ້າໃຫ້ແກ່ສັງຄົມ.
ທີ່ການເຮັດວຽກ, ທ່ານໂດຕຽນຊີ ໄດ້ສະເໜີຍູ້ແຮງການຮ່ວມມືລະຫວ່າງ ວິທະຍຸກະຈາຍສຽງ ຫວຽດນາມ - RNTC, ທ່ານສະເໜີ RNTC ສະໜອງບັນດາຫຼັກສູດການບຳລຸງສ້າງແຫຼ່ງຊັບພະຍາກອນມະນຸດ ແລະ ໃຫ້ຄຳປຶກສາດ້ານຍຸດທະສາດໃຫ້ແກ່ວິທະຍຸກະຈາຍສຽງ ຫວຽດນາມ ໃນສະພາບການ ວິທະຍຸກະຈາຍສຽງ ຫວຽດນາມ ພວມມີຄວາມຕ້ອງການຮ່ຳຮຽນປະສົບການ ກ່ຽວກັບການຫັນເປັນດີຈີຕອນ, ພັດທະນາສື່ມວນຊົນ AI.
ສ່ວນ ຜູ້ຕາງໜ້າ ຂອງ RNTC ໄດ້ແນະນຳກ່ຽວກັບທ່າແຮງ ແລະ ບັນດາບາດກ້າວພັດທະນາໃໝ່ຂອງ RNTC ໃນໄລຍະມໍ່ໆມານີ, ຢັ້ງຢືນຈະພ້ອມກັບ VOV ຄົ້ນຄ້ວາໃນໄລຍະຈະມາເຖິງ ເພື່ອຊຸກຍູ້ ແລະ ປະຕິບັດສຳເລັດບັນດາຫຼັກສູດບຳລຸງສ້າງດ້ານວິຊາການ.