ວັນທີ 14 ພຶດສະພາ, ທ່ານ Roberto Azevedo, ຜູ້ອຳນວຍການໃຫຍ່ WTO ແຈ້ງໃຫ້ຊາບວ່າ ທ່ານຈະລາອອກຈາກຕຳແໜ່ງນີ້ໃນວັນທີ 31 ສິງຫາ, ໄວກ່ອນກຳນົດເວລາ 1 ປີເມື່ອທຽບໃສ່ແຜນການ.

        ທ່ານ Roberto Azevedo, ຜູ້ອຳນວຍການໃຫຍ່ WTO, ອາຍຸ 62 ປີ, ໄດ້ນຳພາອົງການການຄ້າໂລກທີ່ມີສຳນັກງານຕັ້ງຢູ່ເຊີແນວ, ປະເທດສະວິດ ນັບແຕ່ປີ 2013 ເປັນຕົ້ນມາ ແລະ ພວມຢູ່ໃນອາຍຸການທີ 2, ເຊິ່ງຄາດວ່າຈະສິ້ນສຸດລົງໃນທ້າຍເດືອນ ສິງຫາ 2021. ທ່ານ Roberto Azevedo, ໃຫ້ຮູ້ວ່າ ນີ້ແມ່ນການຕັດສິນໃຈສ່ວນຕົວທ່ານເອງ ແລະ ກໍ່ນອນໃນຜົນປະໂຫຍດຂອງ WTO.