ເພື່ອຍົກສູງມູນຄ່າໝາກມ່ວງເຊີນລາ, ບັນດາເມືອງ, ນະຄອນ, ບັນດາຫົວໜ່ວຍໄດ້ລົງທຶນເຄື່ອງອົບເພື່ອປຸງແຕ່ງໝາກໄມ້. ນຳໃຊ້ເຕັກໂນໂລຢີທີ່ກ້າວໜ້າ, ທັນສະໄໝປຸງແຕ່ງ, ພ້ອມກັບການໜູນຊ່ວຍຍີ່ຫໍ້, ຫຸ້ມຫໍ່, ປັດຈຸບັນ, ຜະລິດຕະພັນໝາກມ່ວງອົບຂອງ ເຊີນລາ ໄດ້ຮັບຄວາມນິຍົມຊົມເຊີຍຈາກລູກຄ້າ, ຕີລາຄາສູງກ່ຽວກັບຄຸນນະພາບ, ການຫຸ້ມຫໍ່ງາມຕາ ແລະ ບັນດາຈຸດດີຄື: ບໍ່ນຳໃຊ້ສານກັນບູດ, ໝາກມ່ວງອົບຍັງຮັກສາໄດ້ສີສັນ ແລະ ສານອາຫານໄວ້ເໝືອນເດີມ, ໃຫ້ກິ່ນຫອມ, ໜຽວ ແລະ ມີລົດຫວານພໍດີກິນ. ປະຕິບັດໂຄງການ “ໜຶ່ງຕາແສງໜຶ່ງຜະລິດຕະພັນ” (OCOP), ຜະລິດຕະພັນໝາກມ່ວງອົບໄດ້ຮັບໃບຢັ້ງຢືນວ່າເປັນຜະລິດຕະພັນ OCOP 3 ດາວ ຂັ້ນແຂວງ. ມາຮອດປັດຈຸບັນ, ຜະລິດຕະພັນໝາກມ່ວງອົບໄດ້ຮັບການຈຳໜ່າຍຢູ່ບັນດາແຂວງ, ສະຖານທີ່ທ່ອງທ່ຽວໃນທົ່ວປະເທດ, ລາຍໄດ້ເພີ່ມຂຶ້ນຕາມແຕ່ລະປີ ແຕ່ 25 – 30%.