ຮ້ານວາງສະແດງຜະລິດຕະພັນຂອງ ຫວຽດນາມ (ພາບ: TTXVN)

        ໃນລະຫວ່າງວັນທີ 26 – 29 ຕຸລາ, ຢູ່ສູນວາງສະແດງ Marina Bay Sands (ສິງກະໂປ) ໄດ້ຈັດງານວາງສະແດງເຕັກໂນໂລຊີກະສິກຳ - ສະບຽງອາຫານ ອາຊີ (AFTEA) ແລະ ງານຕະຫຼາດນັດໂອນສິດນຳໃຊ້ເຄື່ອງໝາຍການຄ້າອາຊີ 2022 (FLA 2022), ດ້ວຍການເຂົ້າຮ່ວມຂອງຫຼາຍຫົວໜ່ວຍ, ວິສາຫະກິດ ສິງກະໂປ, ພາກພື້ນ ແລະ ສາກົນ, ໃນນັ້ນມີ ຫວຽດນາມ. ມີວິສາຫະກິດ ຫວຽດນາມ ປະມານ 20 ແຫ່ງໄດ້ເຂົ້າຮ່ວມງານວາງສະແດງແນະນຳຜະລິດຕະພັນ ແລະ ຊອກຫາກາລະໂອກາດເປີດກວ້າງຕະຫຼາດ. ຮ້ານວາງສະແດງຜະລິດຕະພັນຂອງ ຫວຽດນາມ ໄດ້ດຶງດູດຄວາມສົນໃຈເປັນພິເສດນັບທັງວົງການເຈົ້າໜ້າທີ່ ສິງກະໂປ ກໍຄືບັນດາວິສາຫະກິດ ສິງກະໂປ ແລະ ສາກົນ. ໃນໄລຍະຈະມາເຖິງ, ອົງການການຄ້າ ຫວຽດນາມ ປະຈຳ ສິງກະໂປ ຈະໜູນຊ່ວຍການນຳພາຄະນະວິສາຫະກິດ ສິງກະໂປ ມາ ຫວຽດນາມ ເຂົ້າຮ່ວມບັນດາງານຕະຫຼາດນັດ, ງານວາງສະແດງຢູ່ ຫວຽດນາມ ເພື່ອເຊື່ອມຕໍ່ການແລກປ່ຽນການຄ້າ ແນໃສ່ຊຸກຍູ້ການສົ່ງອອກສິນຄ້າຂອງ ຫວຽດນາມ ໄປຍັງ ສິງກະໂປ.