(vovworld) – ບັນດາຜະລິດຕະພັນກະເສດ, ສິນໃນນ້ຳ ຫວຽດນາມ ມີເງື່ອນໄຂຢ່າງພຽງພໍເພື່ອຄອງຕະຫຼາດ ຍີ່ປຸ່ນ. ນັ້ນແມ່ນການຕີລາຄາຂອງບັນດາວິສາຫະກິດ ແລະ ນັກຄຸ້ມຄອງ ຫວຽດນາມ ເກືອບທັງໝົດເຂົ້າຮ່ວມງານຕະຫຼາດນັດສາກົນທັນຍາຫານ ແລະ ເຄື່ອງດື່ມ FOODEX 2014 ຖືກຈັດຂຶ້ນຢູ່ສູນວາງສະແດງ Makuhari, ທີ່ເມືອງ Chiba ຂອງ ຍີ່ປຸ່ນ ແຕ່ວັນທີ 4 – 7/3. ຫວຽດນາມ ມີ 14 ວິສາຫະກິດ ແລະ ສະຫະສະມາຄົມ ໄດ້ວາງສະແດງສິນຄ້າທີ່ອຸດົມສົມບູນດ້ວຍສິນຄ້າປະເພດຕ່າງໆຄື: ໝາກໄມ້, ສິນໃນນ້ຳ, ໝາກມ່ວງຫິມະພານ... ບັນດາຜະລິດຕະພັນໄດ້ຮັບການວາງສະແດງຢ່າງງາມຕາ, ດຶງດູດແຂກມາຢ້ຽມຊົມເປັນຈຳນວນຫຼາຍ. ຫົວຂໍ້ພົ້ນເດັ່ນຂອງບັນດາຮ້ານວາງສະແດງຂອງ ຫວຽດນາມ ແມ່ນ “ຜະລິດຕະພັນກະເສດ, ສິນໃນນ້ຳຂອງ ຫວຽດນາມ - ເປັນເອກະລັກສະເພາະ, ສະອາດ ແລະ ປອດໄພ”. ເລື່ອງ ເຂົ້າຮ່ວມງານວາງສະແດງຄັ້ງນີ້ ຊ່ວຍໃຫ້ບັນດາວິສາຫະກິດ ຫວຽດນາມ ຮັກສາການພົວພັນກັບຄູ່ຄ້າ, ກັບບັນດານັກນຳເຂົ້າ ຍີ່ປຸ່ນ ແລະ ຕະຫຼາດ ອາຊີ, ຂະຫຍາຍປະເພດສິນຄ້າສົ່ງອອກໃໝ່, ເຊັນສັນຍາສົ່ງອອກທີ່ມີມູນຄ່າສູງ ໂຄສະນາອາຫານການກິນຂອງ ຫວຽດນາມ ແລະ ບັນດາຜະລິດຕະພັນກະເສດ, ສິນໃນນ້ຳຈາກ ຫວຽດນາມ.