ຜູ້ແຫ່ຂະບວນປະທ້ວງ ຢູ່ຢູແກຼນຢາກໄດ້ຮັບ ການຊ່ວຍເຫຼືອຈາກ ລັດເຊຍ
ສະພາບການຫຼັງເຫດການຍິງປືນເມື່ອວັນທີ 20/4
(ພາບ: http://vtc.vn)
(vovworld)- ວັນທີ 20/4, ບັນດາຜູ້ແຫ່ຂະບວນປະທ້ວງພວມຄວບຄຸມນະຄອນ Slavyansk ຢູ່ທາງທິດຕາເວັນອອກຢູແກຼນ ໄດ້ຮຽກຮ້ອງໃຫ້ລັດເຊຍ ຈົ່ງຜັນຂະຫຍາຍກຳລັງຮັກສາສັນຕິພາບຢູ່ທີ່ນີ້, ພ້ອມທັງປະກາດຄຳສັ່ງສະພາວະສຸກເສີນໃນນະຄອນພາຍຫຼັງໄດ້ເກີດເຫດການຍິງປືນເຮັດໃຫ້ທະຫານລາດ 3 ຄົນ ແລະ ມືປືນ 1 ຄົນເສຍຊີວິດ. ຫົວໜ້າຄະນະຜູ້ແຫ່ຂະບວນປະທ້ວງຂອງທ້ອງຖິ່ນ, ທ່ານ Vyatcheslav Ponomarev ໄດ້ເວົ້າກັບວົງການນັກຂ່າວວ່າ: ທ່ານສະເໜີໃຫ້ ປະທານາທິບໍດີລັດເຊຍ V.Putin ຊັ່ງຊາກ່ຽວກັບການສົ່ງພາລະກອນຮັກສາສັນຕິພາບໄປປົກປ້ອງ ປຊຊ Slavyansk ຕໍ່ໜ້າ “ບັນດາພາກສ່ວນຟາດຊິດ“.
ກ່ອນໜ້ານນັ້ນ 2,3 ຊົ່ວໂມງ, ພວກບຸກໂຈມຕີບໍ່ທັນຮູ້ຝ່າຍໃດໄດ້ຍິງປືນໃສ່ກຳລັງທະຫານລາດ. ນີ້ແມ່ນການໃຊ້ຄວາມຮຸນແຮງຄັ້ງທຳອິດນັບແຕ່ຄະນະເຈລະຈາ 4 ຝ່າຍລະຫວ່າງສະຫະພາບເອີລົບ, ລັດເຊຍ, ອາເມລິກາ ແລະ ຢູແກຼນ ບັນລຸໄດ້ຂໍ້ຕົກລົງເພື່ອແນໃສ່ແກ້ໄຂຄວາມເຄັ່ງຕຶງຢູ່ ຢູແກຼນ./.