(ພາບປະກອບ: THX/TTXVN)

ການຝຶກຊ້ອມດັ່ງກ່າວມີການເຂົ້າຮ່ວມຂອງກົມກອງປະຕິບັດໜ້າທີ່ພິເສດຍອດຢ້ຽມ (RAID) ແລະ ບັນດາກົມກອງຕຳຫຼວດທີ່ເປັນກຳລັງຫຼວງ. ຈຸດປະສົງແມ່ນເພື່ອຍົກສູງຄວາມສາມາດສົມທົບລະຫວ່າງບັນດາກົມກອງ.

        ການບຸກໂຈມຕີຢູ່ໂຮງລະຄອນແຫ່ງໜຶ່ງຢູ່ນະຄອນຫຼວງ ມົດສະກູ (ລັດເຊຍ) ໃນອາທິດແລ້ວນີ້, ເຮັດໃຫ້ມີຜູ້ເສຍຊີວິດຢ່າງໜ້ອຍສຸດ 139 ຄົນນັ້ນ ໄດ້ສ້າງຄວາມວິຕົກກັງວົນໃໝ່ກ່ຽວກັບຄວາມສະຫງົບປອດໄພໃຫ້ແກ່ງານມະຫາກຳກິລາ ປາຣີ 2024. ພາຍຫຼັງເກີດເຫດດັ່ງກ່າວ, ຝລັ່ງ ໄດ້ຍົກລະດັບແຈ້ງເຕືອນດ້ານຄວາມປອດໄພຂຶ້ນລະດັບສູງສຸດ. ທ່ານ Gerald Darmanin ລັດຖະມົນຕີກະຊວງພາຍໃນ ຝລັ່ງ ໄດ້ໃຫ້ຄຳໝັ້ນສັນຍາວ່າ ຕຳຫຼວດ ແລະ ບັນດາກົມກົມສືບສອດແນມ ຍາມໃດກໍກຽມພ້ອມຕໍ່ທຸກຄວາມສ່ຽງດ້ານຄວາມໝັ້ນຄົງ. ສະມາຊິກ 200 ຄົນຂອງກົມກອງຍອດຢ້ຽມ RAID ຈະຖືກລະດົມກຳລັງທຸກມື້, ໃນນັ້ນ ມີສະມາຊິກ 100 ຄົນ ຮັບໃຊ້ພິທີໄຂງານມະຫາກຳກິລາ Olympic 2024 ໃນແມ່ນ້ຳ Seine ໃນວັນທີ 26 ກໍລະກົດ.