(ພາບປະກອບ / AFP/TTXVN)

(vovworld) - ວັນ​ທີ 25/02 ກະຊວງປ້ອງກັນ​ປະ​ເທດ ຝະລັ່ງ ​ໄດ້​ປະ​ກາດ​ວ່າ ປະ​ເທດ​ນີ້ ຈະ​ຜັນ​ຂະຫຍາຍ​ກຳລັງຕ້ານ​ກໍ່​ການ​ຮ້າຍ​ມາ​ໜູນ​ຊ່ວຍ​ກອງທັບ ນີ​ເຊ ພາຍຫລັງ​ເຫດ​ບັນດາ​ມື້​ປືນ​ບຸກ​ໂຈມ​ຕີ​​ເຂົ້າກົມ​ກອງລາດຕະ​ເວັນ, ຂ້າ​ຕາຍພົນທະຫານຂອງ​ປະ​ເທດ​ ອາ​ຟຣິກາຕາ​ເວັນ​ຕົກ ນີ້ 16 ຄົນ. ຄຳ​ຕັດສິນ​ດັ່ງ​ກ່າວ​ໄດ້ຍົກ​ອອກ ພາຍຫລັງ​ການ​ເຈລະຈາ​ລະຫວ່າງທ່ານ​ລັດຖະມົນຕີ​ກະຊວງ​ປ້ອງ​ກັນ​ປະ​ເທດ ຝະລັ່ງ Jean Yvan Le Drian ​ແລະ ທ່ານ​ປະທານາທິບໍດີ ນີ​ເຊ Mahamadou Issoufou. ທ່ານ​ປະທານາທິບໍດີ ນີ​ເຊ ​ໄດ້​ຮຽກຮ້​ອງ ຝະລັ່ງ ​ໃຫ້ການໜູນ​ຊ່ວຍ. ​ແຫຼ່ງຂ່າວ​​ທະຫານ​ ຝະລັ່ງ ໜຶ່ງ​ອີກ​ຍັງ​ໃຫ້​ຮູ້​ວ່າ: ກຳລັງ​​ໜູນ​ຊ່ວຍ​ຈະ​ລວມມີ​ພົນ​ທະຫານ​ແຕ່ 50 – 80 ຄົນ. ບັນດາ​ພົນ​ທະຫານ​ນີ້ ​ເກືອບ​ທັງ​ໝົດລ້ວນ​​ແຕ່​ຂຶ້ນ​ກັບ​ກຳລັງ​ທະຫານ​ພິ​ເສດ.