ທ່ານປະທານາທິບໍດີຝະລັ່ງ Emmanuel Macron ແລະ ທ່ານປະທານາທິບໍດີລັດເຊຍ Vladimir Putin  ພາບ: Reuters

  ທີ່ການປະຊຸມຂ່າວຮ່ວມເພື່ອປະກາດກ່ຽວກັບໝາກຜົນຂອງການພົບປະ, ເຕື້ອງເຖິງສະພາບການຢູ່ຢູແກຼນ, ຊື່ງແມ່ນ 1 ໃນບັນດາຫົວເລື່ອງຈຸດສຸມສຳຄັນໂດຍສອງຝ່າຍລ້ວນແຕ່ຖືເປັນສຳຄັນພິເສດນັ້ນ, ທ່ານປະທານາທິບໍດີຝະລັ່ງ Emmanuel Macron ເນັ້ນໜັກວ່າ: ໂດຍບໍ່ຫົວຊາຕໍ່ຄວາມບໍ່ລົງລອຍກັນໃນການພົວພັນລະຫວ່າງລັດເຊຍ ແລະ ເອີລົບ ໃນໄລຍະຜ່ານມານັ້ນ, ຝະລັງ ຍັງຖືວ່າ ລັດເຊຍ ແມ່ນປັດໄຈທີ່ບໍ່ອາດຂາດໄດ້ຢູ່ເອີລົບ ແລະ ເອີລົບ ຕ້ອງສ້າງໂຄງປະກອບຄວາມໝັ້ນຄົງຄືນໃໝ່ອີງຕາມຄວາມໄວ້ວາງໃຈ ແລະ ມີການເຂົ້າຮ່ວມຂອງລັດເຊຍ.

  ທ່ານປະທານາທິບໍດີລັດເຊຍ Vladimir Putin ຖືວ່າ: ກົນໄກ 4 ຝ່າຍ ຊື່ງລວມມີ ປະທານາທິບໍດີລັດເຊຍ, ຝະລັງ, ຢູແກຼນ ແລະ ນາຍົກລັດຖະມົນຕີເຢັຍລະມັນ ແມ່ນມາດຕະການທີ່ອາດເປັນໄປໄດ້ທີ່ສຸດ ກ່ຽວກັບບັນຫາຢູແກຼນ ແລະ ແນ່ນອນວ່າ ລັດເຊຍ ຈະສະໜັບສະໜູນການພົບປະຄັ້ງຕ່າງໆ ໃນໄລຍະຈະມາເຖິງ. ແຕ່ເຖິງຢ່າງໃດກໍ່ຕາມ, ທ່ານ Putin ຍັງຖືວ່າ: ຕ້ອງຮັກສາຄວາມປະເອີບໃຈຢ່າງມີຄວາມລະມັດລະວັງ ຍ້ອນວ່າ ລະຫວ່າງຝ່າຍຕ່າງໆຍັງມີຂໍ້ຂັດຂ້ອງຫຼາຍຢ່າງ. ສຳລັບຫົວເລື່ອງຕ່າງໆໃນການພົວພັນລະຫວ່າງຝະລັ່ງ-ລັດເຊຍ, ປະທານາທິບໍດີສອງທ່ານ ລ້ວນແຕ່ໃຫ້ຮູ້ວ່າ: ສອງປະເທດໄດ້ແບ່ງປັນບາງທັດສະນະລວມໃນເລື່ອງຕ້ອງຮັກສາສະພາບແວດລ້ອມທີ່ໝັ້ນຄົງຢູ່ເອີລົບ, ຫລີກເວັ້ນການຊ່ວງເສັງອາວຸດ ແລະ ຕ້ອງສ້າງບັນດາຊ່ອງເຈລະຈາຍຸດທະສາດຄືນໃໝ່