ທ່ານຮອງປະທານຜູ້ປະຈຳການສະພາແຫ່ງຊາດ ເຈິ່ນແທັງເໝີນໄປຢື້ຢາມຖາມຂ່າວ, ມອບຂອງຂວັນໃຫ້ແກ່ພັນລະຍາຂອງທ່ານອະດີດພັນເອກ ເລຮ່ຽນຕ່າຍ

ເນື່ອງໃນໂອກາດລົງພົບປະກັບຜູ້ມີສິດເລືອກຕັ້ງແຂວງເຮົ້າຢາງ, ຕອນບ່າຍວັນທີ 9 ພຶດສະພາ, ທ່ານ ເຈິ່ນແທັງເໝີນ, ກຳມະການກົມການເມືອງ, ຮອງປະທານຜູ້ປະຈຳການສະພາແຫ່ງຊາດ ໄດ້ລົງຢ້ຽມຢາມ, ມອບຂອງຂວັນໃຫ້ຄອບຄົວທ່ານ ພັນເອກ ເລຮ່ຽນຕ່າຍ, ທ່ານໝໍດີເດັ່ນ, ວິລະຊົນກຳລັງປະກອບອາວຸດປະຊາຊົນ.

ທ່ານຮອງປະທານຜູ້ປະຈຳການສະພາແຫ່ງຊາດ ເຈິ່ນແທັງເໝີນ ໄດ້ສະແດງຄວາມຮູ້ບູນຄຸນຕໍ່ ຄອບຄົວທີ່ມີຄຸນງາມຄວາມດີຕໍ່ການປະຕິວັດ, ອັນໄດ້ປະກອບສ່ວນຫຼາຍຢ່າງເຂົ້າໃນພາລະກິດຕໍ່ສູ້ປົດປ່ອຍຊາດ. ທ່ານຮອງປະທານຜູ້ປະຈຳການສະພາແຫ່ງຊາດ ໄດ້ຢັ້ງຢືນວ່າ ພັກ, ລັດ ແລະ ປະຊາຊົນ ຍາມໃດກໍ່ເອົາໃຈໃສ່, ເບິ່ງແຍງດູແລ ບັນດາວິລະຊົນ, ຜູ້ມີຄຸນງາມຄວາມດີ, ຄອບຄົວທີ່ມີຄຸນງາມຄວາມດີຕໍ່ການປະຕິວັດ. ນັ້ນແມ່ນມູນເຊື້ອ, ຫຼັກສິນທຳ ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳຂອງຊາດ ຫວຽດນາມ. ໃນໂອກາດນີ້, ທ່ານ ຮອງປະທານຜູ້ປະຈຳການສະພາແຫ່ງຊາດ ເຈິ່ນແທັງເໝີນ ກໍ່ໄດ້ໄປຢື້ຢາມຖາມຂ່າວ, ມອບຂອງຂວັນໃຫ້ແກ່ພັນລະຍາຂອງທ່ານອະດີດພັນເອກ ເລຮ່ຽນຕ່າຍ.