ພັກ ແລະ ລັດ ຍາມໃດກໍຈາລຶກຄຸນງາມຄວາມດີຂອງບັນດານັກຮົບວິລະຊົນເສຍສະຫຼະຊີວິດເພື່ອຊາດ ແລະ ທະຫານເສຍອົງຄະ
(VOVWORLD) -ເນື່ອງໃນໂອກາດຄົບຮອບ 73 ປີ ລະນຶກວັນທະຫານເສຍອົງຄະ - ນັກຮົບເສຍສະຫຼະຊີວິດເພື່ອຊາດ (27/7/1947 – 27/07/2020), ວັນທີ 27 ກໍລະກົດ, ທ່ານນາງຮອງປະທານປະເທດ ດັ້ງທິງອັກທິ້ງ ໄດ້ໄປຢ້ຽມຢາມ, ມອບຂອງຂວັນຈໍານວນ 60 ພູດໃຫ້ແກ່ 30 ຄອບຄົວເປົ້າໝາຍນະໂຍບາຍ ແລະ ນັກຮຽນ 30 ຄົນ ທີ່ປະສົບກັບຄວາມຫຍຸ້ງຍາກຢູ່ເມືອງ ຕາມເດືອງ, ແຂວງລາຍເຈົາ.
 ທ່ານນາງຮອງປະທານປະເທດ ດັ້ງທິງອັກທິ້ງມອບຂອງຂວັນຈໍານວນ 60 ພູດໃຫ້ແກ່ 30 ຄອບຄົວເປົ້າໝາຍນະໂຍບາຍ ແລະ ນັກຮຽນ 30 ຄົນ ທີ່ປະສົບກັບຄວາມຫຍຸ້ງຍາກຢູ່ເມືອງ ຕາມເດືອງ, ແຂວງລາຍເຈົາ (ພາບ: baolaichau.vn)
|
ທ່ານນາງຮອງປະທານປະເທດ ດັ້ງທິງອັກທິ້ງ ເນັ້ນໜັກວ່າ ພັກ ແລະ ລັດ ຍາມໃດກໍຈາລຶກ ແລະ ຮູ້ບຸນຄຸນ, ການປະກອບສ່ວນ ກໍຄືການເສຍສະຫຼະອັນໃຫຍ່ຫຼວງຂອງບັນດານັກຮົບວິລະຊົນເສຍສະຫຼະຊີວິດເພື່ອຊາດ, ທະຫານເສຍອົງຄະ, ທະຫານເຈັບປ່ວຍ, ບັນດາຄອບຄົວເປົ້າໝາຍນະໂຍບາຍ, ຄອບຄົວມີຄຸນງາມຄວາມດີ, ຜູ້ປະສົບເຄາະຮ້າຍຈາກທາດພິດສີສົ້ມໃນສົງຄາມຄັ້ງຕ່າງໆ. ທ່ານນາງຮອງປະທານປະເທດ ດັ້ງທິງອັກທິ້ງ ສະເໜີແຂວງ ລາຍເຈົາ ຕ້ອງເອົາໃຈໃສ່ບັນດາຄອບຄົວເປົ້າໝາຍນະໂຍບາຍ, ເດັກນ້ອຍຜູ້ປະສົບກັບຄວາມຫຍຸ້ງຍາກເປັນພິເສດ ແລະ ເອົາໃຈໃສ່ເປັນພິເສດເຖິງໂຄງການພັດທະນາເສດຖະກິດ - ສັງຄົມ ໃຫ້ແກ່ພໍ່ແມ່ພີ່່ນ້ອງເຂດພູດອຍ ແລະ ຊົນເຜົ່າສ່ວນໜ້ອຍ.