ວັນທີ 10 ພະຈິກ, ຕາມຂໍ້ມູນຈາກບໍລິສັດສຳຫຼວດ Edison Research ປະກາດວ່າ ປັດຈຸບັນ ພັກສາທາລະນະພວມຍາດໄດ້ 213 ທີ່ນັ່ງຢູ່ສະພາຕ່ຳ ອາເມລິກາ ລວມມີ 435 ສະມາຊິກ ແລະ ຈຳນວນບັດແມທ່ນພວມໄດ້ຮັບການນັບ. Edison Research ຄາດວ່າ ທ່ານສະມາຊິກສະພາຕ່ຳ Jeff Hurd ຈະຍາດໄດ້ຈຳນວນບັດທີ່ຈຳເປັນເພື່ອໃຫ້ ພັກສາທາລະນະສືບຕໍ່ຄວບຄຸມເຂດເລືອກຕັ້ງສະພາແຫ່ງຊາດເລກທີ 3 ຂອງລັດ Colorado.

ເພື່ອອາດສາມາດຮັກສາສິດຄຸ້ມຄອງສະພາຕ່ຳ, ປັດຈຸບັນ ພັກສາທາລະນະ ຕ້ອງການຕື່ມອີກພຽງແຕ່ 5 ທີ່ນັ່ງ. ໃນຂະນະນັ້ນ, ພັກປະຊາທິປະໄຕຫາກໍ່ຍາດໄດ້ 205 ທີ່ນັ້ງ ແລະ ຍັງຕ້ອງການ 13 ໃນຈຳນວນ 17  ທີ່ນັ່ງທີ່ຍັງເຫຼືອ. ດ້ວຍໄຊຊະນະຂອງທ່ານ Donald Trump ໃນການເລືອກຕັ້ງ ປະທານາທິບໍດີໃນວັນທີ 5 ພະຈິກ ແລະ ພັກສາທາລະນະຍາດໄດ້ສິດຄວບຄຸມຢູ່ສະພາສູງ, ເລື່ອງຮັກສາສິດຄວບຄຸມສະພາຕ່ຳ ເປັນຄັ້ງທຳອິດ ທີ່ພັກສາທາລະນະ ຈະມີສິດອຳນາດທີ່ເລິກເຊິ່ງກວ້າງຂວາງ ໃນໄລຍະ 8 ປີເພື່ອປະຕິບັດໂຄງການດຳເນີນງານທີ່ກວ້າງໃຫຍ່ກ່ຽວກັບການຫຼຸດຜ່ອນພາສີ, ຄ່າໃຊ້ຈ່າຍ, ຍົກເວັ້ນຂໍ້ກຳນົດກ່ຽວກັບພະລັງງານ ແລະ ຄວບຄຸມຄວາມໝັ້ນຄົງເຂດຊາຍແດນ.