(vovworld) - ​ ​ເນື່ອງ​ໃນ​ວັນ​ປື້ມ ຫວຽດ​ນາມ ຄັ້ງ​ທີ 4, ວັນ​ທີ 21/04 ສະ​ມາ​ຄົມ​ວັດ​​ຄະ​ນະ​ດີສີ​ລະ​ປະ​ແຂວງ ຮ່າ​ນາມ ຈັດ​ຕັ້ງ​ງານ​ວາງ​ສະ​ແດງ, ​ແນະ​ນຳບັນ​ດາ​ບົດ​ປະ​ພັນ​ວັດ​​ຄະ​ນະ​ດີ​ທີ່ດີເດັ່ນ, ​ພົບ​ປະແລກ​ປ່ຽນ​ນັກ​ປະ​ພັນ, ບົດ​ປະ​ພັນ ແລະ ເພື່ອນ​ຜູ້​ອ່ານ. ງານ​ວາງ​ສະ​ແດງ, ແນະ​ນຳ​ປື້ມ​ອ່ານ​ກ່​ວາ 200 ຫົ​ວ ແມ່ນ​ບັນ​ດາ​ບົດ​ປະ​ພັນ​ວັນ​ຄະ​ນະ​ດີ​ສິີລະ​ປະ​​ທີ່​ດີ​ເດັ່ນ​ຂອງ​ບັນ​ດາ​ນັກ​ປະ​ພັນ​ສູນ​ກາງ ແລະ ທ້ອງ​ຖິ່ນ; ວາ​ລະ​ສານກ່ຽວ​ກັບ​ວັດ​ນະ​ຄະ​ດີ​ສີ​ລະ​ປະ​ຂອງ​ບັນ​ດາ​ແຂວງ, ນະ​ຄອນ​ໃນ​ທົ່ວ​ປະ​ເທດ. ບັນ​ດາ​ນັກ​ຂຽນ, ນັກ​ກະ​ວີ, ນັກ​ຄົ້ນ​ຄວ້າ​ວິ​ຈານ ແລະ ນັກ​ຮຽນ​ໄດ້​ແລກ​ປ່ຽນ, ແບ່ງ​ປັນ​ກ່ຽວ​ກັບ​ຄຸນ​ຄ່າ​ຂອງ​ປື້ມ, ຄວາມ​ໝາຍ​ຂອງ​ເລື່ອງ​ອ່ານ​ປື້ມ, ບັນ​ດາ​ປື້ມ​ມ່ວນ​ທີ່​ຄວນ​ອ່ານ ກໍ່​ຄື​ບັນ​ດາ​​ປະ​ສົບ​ການ​ຈາກ​ການ​ອ່ານ​ປື້ມ​ຂອງ​ຕົນ​ເອງ.

        ວັນ​ທີ 21/04, ພະ​ແນກ​ຖະ​ແຫຼງ​ການ ແລະ ສື່​ສານ​ສົມ​ທົບ​ກັບ​ພະ​ແນກ​ສຶກ​ສາ ແລະ ກໍ່​ສ້າງ, ພະ​ແນກວັດ​ທະ​ນະ​ທຳ ແລະ ກິ​ລາ​ແຂວງ ນີງ​ບີງ ໄຂວັນ​ປື້ມ ຫວຽດ​ນາມ ຄັ້ງ​ທີ 4 ຕິດ​ພັນ​ກັ​ບ​ການ​ເສັງ “ພວກ​ນ້​ອງ​ເລົ່າ​ເລື່ອງ​ປະ​ທານ ໂຮ່​ຈີ​ມິນ” ປີ 2017. ວັນ​ປື້ມ ຫວຽດ​ນາມ ຄັ້ງ​ທີ 4 ໄດ້​ຈັດ​ຕັ້ງ​ຢູ່​ແຂວງ ນີງ​ບີງ ເພື່ອ​ແນ​ໃສ່​ກໍ່​ສ້າງ ແລະ ພັດ​ທະ​ນາ​ຂະ​ບວນ​ການ​ອ່ານ​ປື້ມ​ໃນ​ໝູ່​ປະ​ຊາ​ຊົນ​ທຸກ​ຊັ້​ນ​ວັນ​ນ​ະ ມຸ່ງ​ໄປ​ເຖິງ​ການ​ສ້າງ​ສັງ​ຄ​ົມ​ແຫ່ງ​ການ​ຮ່ຳ​ຮຽນ.