ບັນດາຜູ້ແທນທີ່ພິທີ (ພາບ:Huyền Trang/TTXVN)

ວັນທີ 22 ສິງຫາ, ຢູ່ແຂວງ ບິ່ງເຢືອງ, ທະນາຄານການຄ້າຫຸ້ນສ່ວນລົງທຶນ ແລະ ພັດທະນາ ຫວຽດນາມ (BIDV) ແລະ ບໍລິສັດຮ່ວມທຸລະກິດເຂດອຸດສາຫະກຳ ຫວຽດນາມ - ສິງກະໂປ (VISP) ຈຳກັດ ໄດ້ຈັດການເຊັນສັນຍາສິນເຊື່ອໜູນຊ່ວຍໂຄງການລົງທຶນກໍ່ສ້າງເຂດອຸດສາຫະກຳ ຫວຽດນາມ - ສິງກາໂປ III ຢູ່ແຂວງ ບິ່ງເຢືອງ (VSIP III- ບິ່ງເຢືອງ) ດ້ວຍຍອດເງິນໜູນຊ່ວຍເຖິງ 4.600 ຕື້ດົ່ງ (200 ລ້ານ USD). ເຂດອຸດສາຫະກຳ VSIP III - ບິ່ງເຢືອງ ໄດ້ຮັບການກໍ່ສ້າງໃນເຂດທີ່ດິນມີເນື້ອທີ່ 1.000 ເຮັກຕາ. ຄາດວ່າ, ຍອດເງິນລົງທຶນປະມານ 13.300 ຕື້ດົ່ງ. ເຂດອຸດສາຫະກຳ VSIP III - ບິ່ງເຢືອງ ມຸ່ງໄປເຖິງເຂດອຸດສາຫະກຳແບບຢ່າງດ້ວຍບັນດາມາດຖານທີ່ເຄັ່ງຄັດກ່ຽວກັບສິ່ງແວດລ້ອມ, ຄວາມປອດໄພ, ພື້ນຖານວັດຖຸ, ສິ່ງອຳນວຍຄວາມສະດວກຜ່ານການໝູນໃຊ້ເຕັກໂນໂລຊີອັດສະລິຍະ… ເມື່ອໄດ້ກໍ່ສ້າງສຳເລັດ, ນີ້ຈະແມ່ນເຂດອຸດສາຫະກຳຄົບຊຸດ, ອັດສະລິຍະ, ສີຂຽວ, ເປັນມິດກັບສິ່ງແວດລ້ອມ ແລະ ທັນສະໄໝ.